ބޮލީވުޑްގެ ހުނަރުވެރި ދެ ތަރިން ކަމުގައިވާ އަޔުޝްމާން ކުރާނާ އާއި ކަރީނާ ކަޕޫރު އެކުގައި ފިލްމް ކުޅެން އުޅޭ ކަމަށް މީޑިއާތަކުން ބުނެފިއެވެ.
ބޮލީވުޑްގެ މުނިފޫހި ފިލުވުމުގެ ހަބަރުތަށް ގެނެސްދޭ ހުރިހާ މީޑީއާއަކުން ހެން މިހަބަރު ވަނީ ގެނެސްދީފައިއެވެ. މީޑިއާއިން ބުނާގޮތުގައި މިދެމީހުން ހިމަނައިގެން ޑައިރެކްޓަރު މެގްނާ ގުލްޒާރު ފިލްމެއް ހެދުމުގެ ތައްޔާރީތައް އަންނަނީ ވަމުންނެވެ.
View this post on Instagram
އަދި މި އަހަރުގެ ފަހުކޮޅު ޝޫޓިން ފަށަން ހަމަޖެހިފައިވާ މި ފިލްމަކީ އިންޑިއާގެ ހައިދަރުއާބާދުގައި ހިންގި ރޭޕްގެ ހާދިސާއެއްގައި ޝާމިލުވާ ބަޔަކު ފުލުހުންގެ ބެލުމުގެ ދަށަށް ގެންގޮސް، ފުލުހުން އެ މީހުން މަރައިލި ކަމަށް ތުހުމަތުކުރާ މައްސަލަގަނޑަށް ބިނާކޮށް ހަދަން ހަމަޖެހިފައިވާ ފިލްމެއް ކަމަށެވެ.
ނަމަވެސް ރަސްމީކޮން އަދި އެއްވެސް ފަރާތަކުން މި ފިލްމް އާއި ބެހޭގޮތުން އެއްވެސް މައުލޫމާތެއް ހިއްސާ ކޮށްފައިއެއް ނުވެއެވެ. އަދި މިދެތަރިން ކުރެ އެއްވެސް ތަރިއަކު ވެސް އެކުގައި ފިލްމް ކުޅުމާއި ބެހޭގޮތުން އެއްވެސް އެއްޗެއް ބުނެފައިއެއް ނުވެއެވެ.
View this post on Instagram
"ތަލްވާރު" އާއި "ރާޒީ" އަދި "ޗަޕާކް" ފަދަ ސީރިއަސް ފިލްމުތަކެއް ގެނެސްދިން މެގްނާގެ އެންމެ ފަހުގެ ފިލްމަކީ މިދިޔަ އަހަރު ވިކީ ކޯޝަލާ އެކީ ގެނެސްދިން ބައޮގްރަފިކަލް ހަނގުރާމަ ފިލްމު "ސޭމް ބަހާދޫރް" އެވެ. މެގްނާ އަކީ ކުރީގެ މަޝްހޫރު ބަތަލާ ރާކީ އާއި ކުޅަދާނަ ޅެންވެރިޔާ ގުލްޒާރުގެ ހަމައެކަނި ދަރިފުޅެވެ.
