މަގުބޫލު ފްރެންޗައިޒް "ރޭސް" ގެ ހަތަރު ވަނަ ބައިގެ މަސައްކަތް ކުރިއަށްދާ ކަމަށާއި ކުރިއަށް އޮތް މަދު ދުވަސްކޮޅެއްގެ ތެރޭގައި މި ފިލްމް އިއުލާން ކުރެވޭނެ ކަމަށް މި ފިލްމްގެ ޕްރޮޑިއުސަރު ރަމޭޝް ތައުރާނީ ބުނެފި އެވެ.
ރަމޭޝް ބުނީ ހަތަރު ވަނަ ބައިގެ ސްކްރިޕްޓް ވެސް މިހާރު އޮތީ ނިމިފައި ކަމަށާއި އެހެންވެ އެ ޕްރޮޖެކްޓް މިހާރު އޮތީ ރަސްމީކޮށް އިއުލާން ކުރުމުގެ މަގުމަތީގައި ކަމަށެވެ.
ރެމޯ ޑި ސޫޒާ ޑައިރެކްޓްކުރި "ރޭސް 3″ އަކީ ވަރަށް ގިނަ ބައެއްގެ ފާޑުކިޔުންތައް އަމާޒުވި އަދި ބޮކްސް އޮފީހުގައި ވެސް ވަރަށް ވަނދުކޮށް ދިޔަ ފިލްމެކެވެ. ސަބަބަކީ ކުރީގެ ދެ ބައިގައި ހުރި ކަހަލަ ޝައުގުވެރި އެތައް ކަމެއް ތިން ވަނަ ބައިގައި އުނިވެފައި ހުރުމެވެ.
"ރޭސް 3″ ގެ ކާސްޓްގައި އަނިލް، ބޮބީ ޑިއޯލް، ޖެކްލީން ފެނާންޑޭޒް، ޑެއިޒީ ޝާހް އަދި ސާގިބް ސަލީމް ހިމެނެ އެވެ.
