އަކްޝޭ ކުމާރުގެ ކުރިއަށް އޮތް ފިލްމު "ސަރުފީރާ" ގެ ޓްރެއިލާ އާންމުކޮށްފި އެވެ.
މި ފިލްމް އަކީ މި އަހަރުގެ ޖުލައި 12 އަށް ތާވަލު ކޮށްފައިވާ ފިލްމްއެކެވެ. މި ފިލްމް އަކީ އިންޑިއާގެ ބަޖެޓް އެއާލައިން، "އެއާ ޑެކަން" އުފެއްދި ޖީއާރް ގޯޕިނާތަށް ބިނާކޮށް ހަދާފައިވާ އެއްޗެކެވެ. ބައޯޕިކް ފިލްމް ތަކަކީ އަކްޝޭ އަށް އައު ވައްތަުގެ ފިލްމް ތަކެއް ނޫނެވެ. މީގެ ކުރިން ވެސް އޭނާ ވަނީ ބައޯޕިކް ތަކުން ފެނިގެން ގޮސްފައިއެވެ.
"ސަރުފީރާ" ހަދާފައި ވަނީ ޑައިރެކްޓަރު ސުދާ ކޮންގަރާއެވެ. އަކްޝޭ ގެ އިތުރުން މި ފިލްމްގެ ކާސްޓްގައި ރާދިމާ މަދަން އާއި ޕަރޭޝް ރާވަލް ހިމެނެ އެވެ. މީ ވަރަށް އުންމީދީ ފިލްމްއެކެވެ.
"ސަރްފީރާ" އަކީ މި އަހަރު ބެލުންތެރިންނާ ހަމައަށް އަންނަ އަކްޝޭގެ ދެވަނަ ފިލްމެވެ. ފުރަތަމަ ފިލްމަކީ އެޕްރީލްގައި ރިލީޒްކުރި "ބަޅޭ މިޔާ ޗޯޓޭ މިޔާ" އެވެ. އަދި އޮގަސްޓް މަހުގެ 15 ގައި އަކްޝޭގެ "ކޭލް ކޭލް މޭ" ވެސް ރިލީޒްކުރާނެ އެވެ.
