ޑްރާމާ ސިލްސިލާ އިން މަޝްހޫރު ކަން ހޯދައިފައިވާ ބަތަލާ ހީނާ ޚާނަށް އުރަމަތީގެ ކެންސަރު ޖެހިގެން ފަރުވާ ހޯދަން ފަށައިފި އެވެ.
މި ވާހަކަ އިންސްޓަގްރާމްގައި ހިއްސާކޮށް 36 އަހަރުގެ ބަތަލާ ބުނީ މިހާރު ހުރީ ބަލީގެ ތިން ވަނަ ސްޓޭޖްގައި ކަމަށާއި ފަރުވާގެ ކަންކަން ވަރަށް ރަނގަޅަށް ކުރިއަށްދާ ކަމަށެވެ. އަދި އޭނާ މިހާރު ފަރުވާ ކުރަމުން އަންނަ ކަމަށާއި ހާލު ރަނގަޅު ކަމަށް ވެސް ވަނީ ބުނެފައިއެވެ. އަދި ކެންސަރުގެ އުނދަގޫތަކާއި ގޮންޖެހުންތަކާއެކު ވެސް އޭނާ ހުންނާނީ ގަދަ ހިތްވަރާއެކު އެ ބަލިން އަރައިގަތުމުގެ އަޒުމުގައި ކަމަށް ވެސް ހީނާ ބުނެފައިވެ އެވެ.
ދެ ފަހަރެއްގެ މަތިން އުމްރާގެ އަޅުކަން ވެސް އަދާކޮށްފައިވާ ހީނާ އާންމުންގެ ތެރޭގައި މަޝްހޫރު ވެގެން ދިއައީ ދިޔައީ ސްޓާ ޕްލަސް އިން ގެނެސްދޭ "ޔޭ ރިޝްތާ ކިޔާ ކެހެލާތާ ހޭ" ގައި ކުރިން ކުޅުނު އަކްޝަރާގެ ރޯލުންނެވެ. އެ ރޯލާއި އެކުގައި އޭނާގެ މަގުބޫލުކަން ބޮޑު އާންމުން ގެ ބޮޑު ތައުރީފެއް ވަނީ ލިބިގެން ގޮސްފައިއެވެ.
View this post on Instagram
މީގެ އިތުރުން ވެސް ހީނާ ވަނީ "ނާގިން" އާއި "ކަސޯޓީ ޒިންދަގީ ކީ" ސީޒަން 2 ފަދަ ކާމިޔާބު މަޝްހޫރު ޑްރާމާ ތަކުގައި މަސައްކަތްކޮށްފަ އެވެ. އޭނަގެ ފުރަތަމަ ބޮލީވުޑް ފިލްމަކީ 2020 ގައި ޑައިރެކްޓަރު ވިކްރަމް ބަޓް ގެނެސްދިން ސައިކޮލޮޖިކަލް ތުރިލާ "ހެކްޑް" އެވެ. އަދި އޭނާ ވަނީ ރިއަލިޓީ ޝޯވ ތަކުގައިވެސް ވާދަކޮށްފައިއެވެ.
