އޯޝަން ޓީވީ ސްޓޭޝަން ފަޅާލާ އެތަނުގެ ބައެއް ތަކެތި ވަގަށް ގެންގޮސްފިއެވެ.
އެނގިފައިވާ ގޮތުގައި އެ ސްޓޭޝަން ފަޅާލި މައްސަލަ މިހާރުވަނީ ޕޮލިހަށް ހުށަހަޅާފައެވެ. އަދި އެ ސްޓޭޝަން ފަޅާލާފައިވަނީ މިއަދު ހެނދުނުގެ ވަގުތެއްގައިކަމަށްވެސް މައުލޫމާތު ލިބިފައި ވެއެވެ. ވަގުން ވަނީ އެސްޓޭޝަނަށް ގެއްލުންދީ ބައެއް ތަކެތިވެސް ވަގަށް ގެންގޮސްފައެވެ.
މި މައްސަލައާއި ގުޅޭގޮތުން ފުލުން ބައެއް މީޑިއާތަކަށް މައުލޫމާތު ދެމުން ވިދާޅުވެފައިވަނީ އެސްޓޭޝަން ފަޅާލިކަން ޕޮލިހަށް ރިޕޯޓު ކޮށްފައިވާ ކަމަށާއި، އެމައްސަލަ ތަހުގީގު ކުރަމުންދާ ކަމުގައެވެ. އެހެންނަވެސް އެއްވެސް މީހަކު ހައްޔަރު ކޮށްފައިވާކަމުގެ މައުލޫމާތެއް ފުލުހުން ދީފައެއް ނުވެއެވެ.
އޯޝަން ޓީވީ ފަޅާލަން މީހަކު މަސައްކަތް ކުރަމުންދާ ވީޑީއޯއެއް މިހާރު ސޯޝަލް މީޑިއާގައި ދަނީ ދައުރުވަމުންނެވެ. ވީޑިއޯއިން ފެންނަ ގޮތުގައި ޓީވީ ސްޓޭޝަން ފަޅާލަން މަސައްކަތް ކުރި މީހާވަނީ އެތަނުގެ ދޮރަށް ގެއްލުން ދީފައެވެ.
ކޮމެންޓު ފޮނުވާ