ބޮލީވުޑްގެ މަޝްހޫރު އެކްޓަރު ސަލްމާން ހާން ގެ ކުރިއަށް އޮތް ފިލްމް "ސިކަންދަރު" ގެ ޝޫޓިން ފަށައިފި އެވެ.
އެޕްރީލް މަހުގެ 11 ގައި އިއުލާންކުރި ފިލްމުގެ ޝޫޓިން މުމްބާއީގައި ފެށި އިރު ޝޫޓިންގެ ތެރެއިން ފިލްމުގެ ޑައިރެކްޓަރު އޭއާރް މުރްގަދޯސް އާއި ޕްރޮޑިއުސަރު ސާޖިދު ނަދިއަދުވާލާއާ އެކީ ނަގާފައިވާ ފޮޓޯއެއް ސަލްމާން ސޯޝަލް މީޑިއާގައި ވެސް ޕޯސްޓްކޮށްފައިވެ އެވެ.
View this post on Instagram
ޑައިރެކްޓަރު އޭއާރް މުރްގަދޯސްއާ އެކީ ސަލްމާން ޚާން މަސައްކަތް ކުރަން ހަމަޖެހިފައިވާ މި ފިލްމް ބެލުންތެރިނަން އަންނަ އަހަރު ފިތުރު އީދުގައި ގެނެސްދޭނެކަން މިހާރު ވަނީ އިއުލާން ކޮށްފައިއެވެ.
އެކްޝަން ތުރިލާއެއްގެ ގޮތުގައި ހަދާ "ސިކަންދަރު" އަކީ ތަމަޅަ ޑައިރެކްޓަރު މުރްގަދޯސްއާ އެކީ ސަލްމާން މަސައްކަތްކުރާ ފުރަތަމަ ފިލްމެވެ. އޭނަ އަކީ އާމިރު ޚާންގެ "ގަޖިނީ" އާއި އަކްޝޭ ކުމާރުގެ "ހޮލިޑޭ: އަ ސޯލްޖާ އިޒް ނެވަ އޮފް ޑިއުޓީ" ގެނެސްދިން ޑައިރެކްޓަރެވެ.
View this post on Instagram
ސާޖިދު ނަދިއަދުވާލާ ޕްރޮޑިއުސްކުރާ މި ފިލްމުގެ ޓައިޓްލް ޕޯސްޓަރެއް ވެސް ވަނީ ދައްކާލައިފަ އެވެ. ސަލްމާން އާއި ސާޖިދު އަކީ ވަރަށް ގާތް ދެ ރަހުމަތެރިންނެވެ. އެދެމީހުން އެކުގައި ކާމިޔާބު ފިލްމް ތަކެއް ވެސް ވަނީ ގެނެސްދީފައިއެވެ.
ދެކުނުގެ ޒުވާން ބަތަލާ ރަޝްމިކާ މަންދަނާ ބަތަލާގެ ރޯލު ކުޅޭ "ސިކަންދަރު" އަށް ފަހު ދެން އޭނާ އެންމެ ބޮޑަށް ބެލެވެނީ މަސައްކަތް ފަށާނީ އެޓްލީ އާއި އެކުގައި ކުޅެން ހަމަ ޖެހިފައިވާ ފިލްމް އިންނެވެ.
View this post on Instagram
މީޑިއާތަކުން ބުނީ ދެން ހަދާ ފިލްމު ސަލްމާނާ އެކީ ހަދަން އެޓްލީ ނިންމީ މަޝްހޫރު ތެލެގޫ އެކްޓަރު އައްލޫ އަރުޖުންއާ އެކީ ފިލްމެއް ހަދަން ކުރެވުނު މަޝްވަރާތަކުގައި ދެ މީހުންނަށް އެއްގަލަކަށް ނޭރި، އުފެދުނު ހިޔާލު ތަފާތުވުންތަކަކާ ގުޅިގެން، އެ ޕްރޮޖެކްޓް މި ވަގުތަށް ބާއްވަން ނިންމުމަށް ފަހު އެވެ. ފާހަގަ ކޮށްލެވޭ ކަމަކީ އައްލު ގެ ކާމިޔާބު ފިލްްމް ގެ ބަތަލާ އަކީ ސަލްމާން އާއި އެކުގައި "ސިކްނަދަރު" އިން ފެނިގެންދާ ބަތަލާ ރަޝްމިކާ ކަމެވެ.
ކާމިޔާބު ފިލްމް ތަކެއް ކުޅެފައިވާ ސަލްމާން ގެ އެންމެ ފަހުގެ ފިލްމް އަކީ ބޮކްސް އޮފީހުގައި ބޮޑު ކާމިޔާބެއް ހޯދި ފިލްމް އަދި ސަލްމާންގެ ފްރެންޗައިޒް ފިލްމް "ޓައިގާ" ސީރީޒް ގެ 3 ވަނަ ފިލްމް "ޓައިގާ3″އެވެ.
