ޕާކިސްތާންގެ މަޝްހޫރު ދެ ތަރިން ކަމުގައިވާ ފަވާދް ހާން އާއި ސަނާ ސައީދް ފެނިގެންދާ ވެބް ސީރީޒް "ބަރުޒަހު" އަންނަ މަހުގެ 19 ގައި ޕްރީމިއާ ކުރަން ނިންމައި އޭގެ ޕޯސްޓަރުތަކެއް ވެސް ދައްކާލައިފި އެވެ.
އަސަރު ގަދަ ލޯބީގެ ވާހަކައެއް ކިޔައިދޭނެ ސީރީޒް ބެލުންތެރިންނަށް ދޫކޮށްލަން ހަމަޖެހިފައި ވަނީ އިންޑިއާގެ ދެ ސްޓްރީމިން ޕްލެޓްފޯމެއް ކަމަށްވާ ޒީ5 އާއި ޒީ ޒިންދަގީގެ ޔޫޓިއުބް ޗެނެލުންނެވެ.
ފަވާދާއި ސަނަމް އެކީީގައި ސީރީޒަކުން ބެލުންތެރިންނާ ބައްދަލު ކުރަން ކުޑަތަންވަމުބް އަންނަ އިރު، މި ދެ ތަރިން އެކީގައި ކުރިން ވަރަށް ކާމިޔާބު ޓީވީ ސިލްސިލާއެއް ކުޅެފައިވެ އެވެ. އެއީ ހަމް ޓީވީން 2012-2013 އަށް ގެނެސްދިން "ޒިންދަގީ ގުލްޒާރު ހޭ" އެވެ.
