ބެލުންތެރިންގެ މެދުގައި މަގުބޫލު ފްރެންޗައިޒް ފިލްމް "ދަމާލް" ގެ ހަތަރު ވަނަ ބަޔަށް ތައްތާރުވަމުން އަންނަ ކަމަށް ރިޕޯޓްތައް ބުނެފި އެވެ.
ބޮޑު ކާސްޓެއް ހިމެނޭ މީގެ ތިން ފިލްމްގައި ވެސް މުހިންމު ރޯލު ތަކުން ރިތޭޝް ދޭޝްމުކާއި އަރުޝަދު ވަރުސީގެ އިތުރުން ޖާވިދު ޖެފްރީ ވަނީ ފެނިގެން ގޮސްފައިއެވެ. އެހެންޗެ ހަތަރު ވަނަ ބައިން ވެސް އެތަރިން ފެނުމުގެ ފުރުސަތު ވަރަށް ބޮޑު ކަމަށް ބެލެވެއެވެ.
މީޑީއާއިން ރިޕޯޓް ކޮށްފައިވާ ގޮތުގައި މި ފިލްމްގެ ޑައިރެކްޓަރު އިންދަރު ކުމާރު މިހާރު ވަނީ ހަތަރު ވަނަ ބައިގެ ސްކްރީންޕްލޭ ވެސް ނިންމާފައިއެވެ. އަދި ވަރަށް އަވަހަށް ފިލްމުގެ މަސައްކަތް ވެސް ފަށާނެއެވެ.
"ދިލް" އާއި "ބޭޓާ" އާއި "ރާޖާ" އާއި "މަން' އަދި "މަސްތީ" ފަދަ ކާމިޔާބު ފިލްމުތައް ގެނެސްދިން އިންދަރުގެ އެންމެ ފަހުގެ ފިލްމަކީ 2022 ގެ "ތޭންކް ގޯޑް" އެވެ. މި ފިލްމް އަށް ބެލުންތެރިން މާބޮޑު ތަރުހީބެއް ލިބިގެން ގޮސްފައިއެއް ނުވެއެވެ.
