ގޭބިސީތަކުގެ ފެންބިލާއި ކަރަންޓުބިލް ނުދެއްކި ގިނަދުވަސްވެގެން އަރާފައިވާ ޖޫރިމަނާ ފައިސާ މާފުކޮށްދެން ނިންމާފައިވަނީ މިދިޔަ އަހަރުގެ ނިޔަލަށް އަރާފައިވާ ޖޫރިމަނާތައް ކަމަށް މާލެ ވޯޓާ އެންޑް ސެވެރެޖް ކޮމްޕެނީ (އެމްޑަބްލިއުއެސްސީ) އިން ބުނެފިއެވެ.
އެމްޑަބްލިއުއެސްސީ އިން ބުނީ، ޑޮމެސްޓިކް ރޭޓުގައި ހުންނަ ގޭގޭ ގެ ކަރަންޓު ބިލާއި ފެން ބިލުތައް ނުދެއްކި ގިނަ ދުވަސް ވެގެން އަރާފައިވާ ޖޫރިމަނާ އެއްކޮށް މައާފުކުރަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ނިންމެވުމާއި ގުޅިގެން 31 ޑިސެމްބަރ 2023 ގެ ނިޔަލަށް އަރާފައިވާ ޖޫރިމަނާ މާފުކޮށްދޭނެ ކަމަށެވެ.
އަދި ޖޫރިމަނާތައް މާފުކޮށްދެން ނިންމާފައިވަނީ މިއަހަރު އެކެއް އޭޕްރީލުން ފެށިގެން 31 ޑިސެމްބަރު އާއި ދެމެދު އެއްކޮށް ދައްކާ ހަލާސްކުރާ ކަސްޓަމަރުންނަށް ކަމަށެވެ. އަދި މި ބިލްތަކަށް މަހުން މަހަށް ބަހާލައިގެން ފައިސާ ދައްކާ ހަލާސްކުރަން ބޭނުންވާ ކަސްޓަމަރުންނަށް، އެއްބަސްވުމެއްގެ ދަށުން މަހުން މަހަށް ބަހާލައިގެން ބިލްތަކަށް ފައިސާ ދެއްކުމުގެ އިންތިޒާމް އެ ކުންފުނިން ހަމަޖައްސައިދޭނެ ކަމަށް ބުނެފައިވެއެވެ.
އަދި މަހުން މަހަށް ބަހާލައިގެން ފައިސާ ދައްކާ ކަސްޓަމަރުންނަށް ޖޫރިމަނާ މާފުކޮށްދެވޭނީ އެއްބަސްވުމާއި އެއްގޮތަށް ފައިސާ ދައްކާ ހަލާސްކުރުމުންނެވެ.
މިކަމާއި ގުޅޭ އިތުރު މައުލޫމާތު ބޭނުންވާނަމަ، އެ ކުންފުނީގެ ކަސްޓަމަރ ކެއަރ ސެންޓަރުގެ ހޮޓްލައިން 105 އަށް ގުޅުމުން ނުވަތަ 1050 އަށް އެސްއެމްއެސް ފޮނުވުމުން އެހީތެރިކަން ފޯރުކޮށްދޭނެ ކަމަށް ބުނެފައިވެއެވެ. މީގެއިތުރުން އެ ކުންފުނީގެ އީމެއިލް [email protected] އަށް އީމެއިލް ކުރުމުން ވެސް އެހީތެރިކަން ލިބޭނެ ކަމަށް އެ ކުންފުނިން ބުނެފައިވެއެ
