ރަޝިޔާގެ ރައީސް ވްލަޑިމިއާ ޕޫޓިން އުތުރު ކޮރެއާއަށް ވަޑައިގެންފިއެވެ.
ޕުޓިން އުތުރު ކޮރެއާއަށް ކުރައްވާ ދަތުރުފުޅަކީ ދެ ގައުމުގެ ގުޅުން އިތުރަށް ބަދަހިވެ، ޔޫކްރެއިންއާ ދެކޮޅަށް ހަނގުރާމަ ދެމެހެއްޓުމަށް ޕިޔޮންގްޔޮންއިން ހަތިޔާރު ހޯދަން ޖެހޭ ކަމުގެ އިޝާރާތެއްކަމަށް ދޭހަ ކޮށްދޭ ދަތުރެއްކަމަށް މަސްރަހު ދިރާސާކުރާ ފަރާތްތަކުން ބުނެފައި ވެއެވެ.
ޕުޓިން އުތުރު ކޮރެއާގެ ވެރިރަށް ޕިޔޮންގްޔޮންއަށް ވަޑައިގަތުމަށް އޭނާއަށް މަރުހަބާ ކިޔާފައިވަނީ އުތުރު ކޮރެއާގެ ލީޑަރު ކިމް ޖޮން އުންއެވެ. ދައުލަތުގެ މީޑިއާ އާރްއައިއޭ އިން ރިޕޯޓްކޮށްފައިވާ ގޮތުގައި ދެ ލީޑަރުން މަޑުކުރައްވައި، އެކަކު އަނެކަކާ އެތައް މިނިޓެއް ވަންދެން ވާހަކަ ދެއްކެވި އެވެ.
2000 ވަނަ އަހަރަށްފަހު ޕުޓިން އެގައުމަށް ކުރައްވާ ފުރަތަމަ ދަތުރުފުޅުގެ ކުރިން ޕިޔޮންގްޔަންގްގެ މަގުތައް ވަނީ ރަޝިޔާގެ ދިދަތަކާއި ޕޯސްޓަރުތަކުން ޒީނަތްތެރިކޮށްފައެވެ. މި ހަފުތާގެ މި ދަތުރުފުޅަކީ 2022 ވަނަ އަހަރު ޔޫކްރެއިނަށް އަރައިގަނެ ހަނގުރާމަ ފެއްޓި ފަހުން ޕުޓިން ގައު،މުން ބޭރަށް ކުރައްވާ ފުރަތަމަ ދަތުރުފުޅަށް ވާއިރު، ސިޔާސީ ގޮތުން އެކަހެރިވެފައިވާ އުތުރު ކޮރެއާއިން ކޮވިޑް-19 ގެ ބަލިމަޑުކަމަށް ފަހު، ދުނިޔޭގެ އެހެން ލީޑަރަކު ހޯސްޓް ކުރައްވާ ފުރަތަމަ ފަހަރެވެ.
ކޮމެންޓު ފޮނުވާ