ބޮޑު އީދު ކުލަގަދަކޮށް ފާހަގަ ކުރުމުގެ ގޮތުން އެމްއެންޑީއެފް އިން މިރޭ ހަވާއަރުވަން ނިންމައިފިއެވެ.
އެމްއެންޑީއެފްއިން ކުރި އެކްސް ޕޯސްޓެއްގައި ބުނެފައިވަނީ، ހުޅުމާލޭ ސެންޓްރަލް ޕާކުގައި، އަޟުހާ އީދުގެ މުނާސަބަތުގައި މިރޭ ހަވާއެރުވުމަށް ވަނީ ނިންމާފައެވެ.
އެމްއެންޑީއެފްއިން ހާމަ ކޮށްފައިވާ ގޮތުގައި، މިރޭ ސެންޓްރަލއ ޕާކުގައި 9:00 އިން ފެށިގެން ހަވާއެރުވުން ކުރިޔަށް ދާނީ 5 މިނިޓަށެވެ.
ސަރުކާރުން ވަނީ ބޮޑު އީދު ފާހަގަކުރުމަށް މާލޭ ސިޓީއާއި ރާއްޖޭގެ އެކި ރަށްތައް ކުލަބޮކިތަކުން ދިއްލާލާފައެވެ. އަދި މާލޭގައި ވަނީ ގިޑިގެތައްވެސް ޖަހާފައެވެ.
މިއަހަރު ވެސް އީދުދުވަހު ހަވީރު 4:00 އިން ރޭގަނޑު 6:00 އަށް މާލޭގައި ވެހިކަލް ދުއްވުން މަނާވާ ކުރުމަށް ސަރުކާރުން ވަނީ ނިންމާފައެވެ. އެ ވަގުތު ހާއްސަކޮށްފައި ވަނީ ފައިމަގުގައި އުޅޭ ވަގުތުގެ ގޮތުގަ އެވެ.
އަދި އެވަގުތުތަކުގައި މާލޭގެ މަގުތަކިގައި އީދު ކުޅިވަރުތައް އޮންނާނެއެވެ.
