ތޫނު އެއްޗަކުން ހަމަލާދީ އަހްމަދު އަސީލް މަރާލީ، 2014 ވަނަ އަހަރު މަރާލި އަހުމަދު އަސީލްގެ މަރުގެ މައްސަލާގެ އިސްތިއުނާފްގެ އަޑު އެހުމެއް މިއަދު ބޭއްވުމަށް ރާވަލް ކޮށްފިއެވެ.
އަސީލް މަރާލާފައިވަނީ 2014 ވަނަ އަަހަރުގެ އޮގަސްޓުމަހު، އިސްކަންދަރު ސްކޫލް ކުރިމަތިން އޮންނަ ދިދި ގޯޅި ތެރޭގައި ކުރިން ހުރި އަގޯރާ އެކްސްޕްރެސް ފިހާރަ ކައިރީގައި ތޫނު އެއްޗަކުން ހަމަލާ ދީގެންނެވެ.
އޭނާގެ މަރުގެ މައްސަލާގައި އެކަކު ކުރިންވަނީ 13 އަހަރަށް ޖަލަށްލާން ހުކުމް ކޮށްފައެވެ. އެހެންނަމަވެސް އޭރު 13 އަހަރު ނުފުރޭ ކުޑަކުއްޖާގެ މައްޗަށް 13 އަހަރުގެ ޖަލު ހުކުމް އިއްވާފައިވަނީ 2016 ވަނަ އަހަރުއެވެ.
ހައިކޯޓުންވެސް ވަނީ އެ ހުކުމަށް ތާއީދު ކޮށްފައެވެ.
އަސީލްގެ މަރުގެ މައްސަލާގައި ދައުލަތުން ދެން ދައުވާކުރި މީހުންގެ މައްޗަށް ކުށް ސާބިތުވެފައެއް ނުވެއެވެ. އެމީހުންގެ މައްޗަށް ދައުވާ ކުރަނީ ޓެރަރިޒަމްގެ ދައުވާއެވެ. ދަށުކޯޓުން އެމީހުންގެ މައްޗަށް ދައުވާ ސާބިތުވުމުން، 2019 ވަނަ އަހަރު އެމީހުންގެ މައްސަލަ ހައިކޯޓުގައި އިސްތިއުނާފް ކޮށްފައިވެއެެވެ. މިހާރުވެސް ކުރިޔަށް ދަނީ އެ އިސްތިއުނާފްގެ މައްސަލައެވެ.
މިމައްސަލަ މިހާރު ހައިކޯޓުގައި ބައްލަވާ ބެންޗުގައި ހިމެނެނީ ފަނޑިޔާރު މުހައްމަދު ޝަނީޒް އަބްދުﷲ، ފަނޑިޔާރު މުހައްމަދު ފައިސަލް އަދި ފަނޑިޔާރު ހަސަން ޝަފީއުއެވެ.
އެމައްސަލާގައި ދައުލަތުން ދައުވާކުރާ ފަރާތްތަކަކީ ދ، ތިނަދޫ ސްވީޓްޑްރީމް، އަހުމަދު ނިމްޝާދާއި ހުޅުމާލޭ 10118، އަހުމަދު ޝިރުހާން ޖައުފަރާއި ދަފްތަރު ނަމްބަރު 6566، އިސްމާއިލް ރިފާއު އާއި ގދ. ވާދޫ އާބަހާރުގޭ، އިހުސާން ރަޝީދުގެ އިތުރުން މ. ގޯލްޑްބާޑްލިލީ، ހަސަން އިސާމް މުހައްމަދު އަދި މއ. ރާޅުއެރިގޭ، ޝާރިފް ޝަރީފްއެވެ.
