ބޮލީވުޑްގެ ކާމިޔާބު އެކްޓަރު އަޖޭ ދޭވްގަން އަނެއްކައިވެސް ކުޅިވަރު ފިލްމް އެއް ކުޅެން ނިންމައިފި ކަމަށް ބުނެފިއެވެ.
ފުޓްބޯޅަށް ބިނާކޮށް މިދިޔަ އެޕްރީލް މަހު ގެނެސްދިން ސްޕޯޓްސް ބައޮގްރަފިކަލް ޑްރާމާ "މައިދާން" އަށް ފަހު، ބޮލީވުޑްގެ ތަރި، އަނެއްކައިވެސް މިފަދަ ފިލްމް އެއް ކުޅުމަށް މިވަނީ ނިންމައިފައިއެވެ. "މައިދާން" އެކޭ އެއްފަދައިން މިފަހަރު ވެސް އޭނާ ކުޅޭނީ ބައޯޕިކްއެކެވެ.
މި ފިލްމަކީ އިންޑިއާގެ ކުރީގެ ކްރިކެޓް ކުޅުންތެރިއެެއް ކަމަށްވާ ޕަލްވަންކަރް ބަލޫގެ ވާހަކަ ކިޔައިދޭ ފިލްމެވެ. މި ފިލްމު ހަދަން ނިންމާފައި ވަނީ އޭނައާ ބެހޭ ގޮތުން ލިޔުންތެރިޔާ ރާމް ގުހާ ލިޔެފައިވާ ފޮތް "އަ ކޯނާ އޮފް އަ ފޮރިން ފީލްޑް" އަށް ބިނާކޮށެވެ.
މި ވާހަކަ ސޯޝަލް މީޑިއާގައި ހިއްސާކޮށް ޕްރޮޑިއުސަރެއް ކަމަށްވާ ޕްރިތީ ސިންހާ ބުނީ ފިލްމު ހަދަން ނިންމާފައި ވަނީ އަޖޭ ޕްރޮޑިއުސަރެއްގެ ގޮތުގައި ވެސް ހިއްސާވާ ގޮތަށް ކަމަށެވެ. އަދި ފިލްމު ޑައިރެކްޓްކުރާނީ ޓިގްމަންޝޫ ދޫލިއާ ކަމަށް ބުންޏެވެ.
We, @ajaydevgn @dirtigmanshu @pritisinha333 are producing Baloo Palwankar’s story based on @Ram_Guha sir’s book “A Corner Of A Foreign Field”. We will bring the story of this great cricketer on film soon @ABsay_ek https://t.co/u9xQxTWB7P
— Priti Sinha (@pritisinha333) May 27, 2024
ޕަލްވަންކަރަށް ބިނާކޮށް ފިލްމެއް ހަދަން ތައްޔާރުވަމުން އަންނަ އިރު، އޭނަ އަކީ އިނގިރޭސީންގެ އަޅުވެތިކަމުގައި އިންޑިއާ އޮތް ދުވަސްވަރު އުފެދުނު ވަރަށް ހުނަރުވެރި ކުޅުންތެރިއެކެވެ. އުމުރުން 79 އަހަރުގައި ޕަލްވިންދަރު މަރުވީ 1955 ގަ އެވެ.
