އިންޑިއާގެ މަޝްހޫރު ކްރިކެޓް ކުޅުންތެރިއާ ހާރްދިކް ޕާންޑޭ އާއި ބަތަލާ ނަތާޝާ ސްޓެންޓޮވިކް ގެ ކައިވެނި ނިމުމަކަށް އައިސްފައިވާ ކަމަށް މީޑިއާއިން ރިޕޯޓް ކުރުމާއި އެކުގައި އެދެމެދުގައި އެެއްވެސް މައްސަލައެއް ނުޖެހޭ ކަން އަންގައިލައިދީފިއެވެ.
ނަތާޝާ އާއި ހާރްދިކް ގެ ކައިވެނި ނިމުމަށް އައިސްފައިވާކަމަށް، އެންމެ ބޮޑަށް ދެކެވެން ފެށި އޭނާ ވެޑިންގ ރިންގް އާއި ނުލާ ބޭރުގައި އުޅެނިކޮށް ފެނިގެންނެވެ. އަދި އޭނާ ވަނީ އެހެން ފިރިހެނަކާއި އެކުގައި ރެސްޓޯރެންޓަކުން ވެސް ފެނިގެން ގޮސްފައިއެވެ. އެ ފިރިހެން މީހާ އަކީ މިހާރު ބަތަލާ ދިޝާ ޕަޓާނީ ލޯބީގެ ގޮތުން ގުޅިގެން އުޅޭ އޭނާގެ ޖިމް އިންސްޓްރަކްޓަރު ކަމަށް ވެއެވެ.
ކޮންމެ އަކަސް މީޑިއާއިން މިވާހަކަ ދައްކަން ފެށުމާއި ގުޅިގެން އެދެމީހުން ވަނީ ޗުއްޓީއަށް ގޮސްފައިއެވެ. އަދި ޕާޓީ ކުރަނިކޮށް ނަގައިފައިވާ ފޮޓޯތަކެއް ވެސް ވަނީ ވައިރަލް ވެފައިއެވެ.
View this post on Instagram
މީގެ އިތުރުން ނަތާޝާ ވަނީ އެމީހުން ކައިވެނީގެ ފޮޓޯތަކެއް ވެސް މި ފަހުން ސޯޝަލް މީޑިއާއަށް ދޫކޮށްލައި މީޑިއާގެ އަނގައިގައި ޓޭޕް އަޅާފައިއެވެ. މިހުރިހާ ކަމަކުން އެމީހުންގެ މެދުގައި އެއްވެސް މައްސަލައެއް ނޫޅޭކަން ވަނީ ސާބިތު ކޮށްދީފައިއެވެ.
ނަތާޝާ އާއި ހާރްދިކް ކައިވެނި ކުރީ 2020 ވަނަ އަހަރުގައިއެވެ. ވަރަށް ކުލަގަދަކޮށް ބޭއްވި އެކައިވެނީގައި އެމީހުންގެ އާއިލާ އާއި ގާތް މީހުން ވަނީ ބައިވެރި ވެފައިއެވެ. އެމީހުންނަށް ވަނީ ކުއްޖަކު ވެސް ލިބިފައިއެވެ. އެއީ މިހާރު 3 އަހަރުގެ އަގަސްތިޔާ ޕާންޑޭއެވެ.
