ބޮލީވުޑްގެ މަޝްހޫރު އެކްޓަރު ސަލްމާން ހާން އަށް ހަމަލާ ދޭން އުޅުނުކަމުގެ ތުހުމަތުގައި މުމްބާއީގެ ފުލުހުން ހަތަރު މީހަކު ހައްޔަރު ކޮށްފި އެވެ.
ނޫސްތަކުން ރިޕޯޓް ކުރާ ގޮތުގައި މިފަހަރު ވެސް ހައްޔަރު ކޮށްފައި ވަނީ މީގެ ކުރިން ވެސް ސަލްމާންއަށް ހަމަލާދޭން މަސައްކަތް ކުރި ލޮރެންސް ބިޝްނޯއީ ގްރޫޕްގެ ބައެކެވެ.
އެ ގުރޫޕުން ވަނީ މީގެ ދެމަހެއް ކުރިން ވެސް ސަލްމާން އަށް ހަމަލާ ދީފައިއެވެ. އެގޮތުން އެމީހުން ވަނީ ސަލްމާންގެ ގެއަށް ބަޑީގެ ހަމަލާ އެއް ދީފައިއެވެ. އެ ހަމަލާ އަރާފައި ވަނީ އެގޭގެ ފާރަށެވެ. އެ މައްސަލައިގެ ޒިންމާ ނަގައިފައިވަނީ ވެސް ހަމަ އެ ގުރޫޕުންނެވެ.
މީގެ ދެތިން އަހަރެއް ކުރިން ފެށިގެން އެމީހުން އަންނަނީ ފާޅުކަން ބޮޑު ގޮތެއްގައި ސަލްމާން އަށް މަރުގެ އިންޒާރުތަށް ދެމުންނެވެ. އަދި މި މައްސަލައިގައި ފުލުހުން ވެސް ވަނީ ސަލްމާން އަށް ހިމާޔަތް ދީފައިއެވެ. މިހާރު ސަލްމާން އުޅެމުން އަންނަނީ ބޮޑީގާޑުންގެ ބޮޑު ފައުޖަކާއި އެކުގައިއެވެ.
ލޮރެންސް ބިޝްނޯއީގެ ގޭންގުން ސަލްމާނަށް އަމާޒުކޮށް ހަމަލާ ދޭން މަސައްކަތް ކޮށްފައިވަނީ "ހަމް ސާތު ސާތުހޭ"ގެ ޝޫޓިންގެ ތެރެއިން ބްލެކްބަކް ނަމަކަށް ކިޔާ ޖަނަވާރެއް މެރުމުންނެވެ.
