ނިމިދިޔަ އިންޑިއާގެ އާންމު އިންތިޚާބުގައި، އިންޑިއާގެ ވެރިކަންކުރާ ޕާޓީ ޕީޖޭޕީއަށް ކުރިވަރުގެ ނަތީޖާއެއް ނުނެވެރި، ސަރުކާރެއް އުފެއްދުމަށް އެހެން ޕާޓީތަކަށް ބަރޯސާވާންޖެހިދާނެކަމަށް ބެލެވެން ފަށައިފިއެވެ.
642 މިލިއަން މީހުން ވޯޓުލީ އިންތިޚާބުގެ ވޯޓު ގުނާ ނިމެމުންދާއިރު، މޯދީގެ ބާރަތިޔާ ޖަނަތާ ޕާޓީ ކުރީގައި އޮތް ނަމަވެސް އިދިކޮޅު، ކޮންގްރެސްގެ ލީޑަރ ރާހޫލް ގާނދީ އިސްކޮށް ހުންނެވި އިދިކޮޅު ޕާޓީތަކުގެ އިއްތިހާދުން ބައެއް ތަޖުރިބާކާރުން ހީކުރި ވަރަށް ވުރެ ރަނގަޅު ނަތީޖާއެއް ނެރެމުން އަންނައިރު، މީގެ ދިހަ ވަރަކަށް އަހަރު ކުރިން ވެރިކަމަށް ވަޑައިގަތުމަށް ފަހު ފުރަތަމަ ފަހަރަށް މޯދީ ސަރުކާރެއް އުފެއްދުމށް ކޯލިޝަން ޕާޓްނަރުންނަށް ބަރޯސާވާން ޖެހިދާނެކަމަށް މިހާރުވަނީ ބެލެވެން ފަށާފައެވެ.
ޖޫން މަހުގެ އެއްވަނަ ދުވަހު ނިމުނު ދުނިޔޭގެ އެންމެ ބޮޑު އިންތިޚާބުގެ ހަ ހަފުތާގެ ތެރޭގައި ލާފައިވާ 642 މިލިއަން ވޯޓު މިއަދު ގުނާނެ އެވެ. މި އިންތިޚާބުގެ ވޯޓު ގުނަމުންދަނީ އިންޑިއާގެ ހޫނުމިން. ވަރަށް މަތިވެފައި ވަނިކޮށެވެ. އަދި ހޫނަގަދަވެ އެގައުމުގައި އެތައްބަޔަކު ވަނީ މަރުވެސް ވެފައެވެ.
މޯދީގެ ވެރިކަމުގައި ސުޕަޕަވާގެ ދަރަޖައާ ގާތަށް އިންޑިއާ ގޮސްފައިވާއިރު، ދީނީ ގޮތުން ވެސް އިންޑިއާ ވަނީ ވަރަށް ބޮޑަށް ބައިވައި ވެފައެވެ.
