ދައުލަތުގެ ކުންފުނިތަކުގެ ތެރެއިން އެންމެ ރަނގަޅު ކުންފުނިތަކަށް އެވޯޑު ދިނުމަށް ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑުން ނިންމައިފިއެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން (ޕީސީބީ) އިން ބުނި ގޮތުގައި މި އެވޯޑު ދިނުމުގެ ބޭނުމަކީ ދައުލަތުގެ ހުރިހާ ކުންފުނިތަކަކީ ކޯޑް އޮފް ކޯޕަރޭޓް ގަވަނަންސްގެ އުސޫލުތަކަށް ފުރިހަމައަށް އަމަލުކުރާ ކުންފުނިތަކަކަށްވުމަށް ބާރުއަޅައި، ހިތްވަރު ދިނުމާއި ކޯޑް އޮފް ކޯޕަރޭޓް ގަވަނަންސަށް އަމަލުކުރާ ކުންފުނިތަކާއި ކުންފުނިތަކާ ގުޅުންހުރި ފަރާތްތަކުގެ އަގުވަޒަންކުރުން ކަމަށެވެ.
އެގޮތުން އައުޓްސްޓޭންޑިންގ ބޯޑު ޗެއާމަން، އައުޓްސްޓޭންޑިންގ މެނޭޖިންގ ޑިރެކްޓަރ، އަދި އައުޓްސްޓޭންޑިންގ ކޮމްޕެނީ ސެކްރެޓަރީ އެވޯޑު ދޭން ފެށުމަށް ވަނީ ހަމަޖެހިފައެވެ. މި އެވޯޑު ދިނުމަށް ހަމަޖެހިފައިވަނީ އެ އުސޫލަށް އަމަލުކުރަން ފަށާތާ އެއް އަހަރު ދުވަސްފަހުންނެވެ.
އެވޯޑު ދިނުމަށް ހަމަޖެހިފައިވާ ދާއިރާތަކަކީ އެކެސްސެލެންސް އިން ގަވަރނަނަސް،، އައުޓްސްޓޭންޑިން ޕްރޮގްރެސް، އައުޓްސްޓޭންޑިން ބޯޑުނ ޗެއާރމަން އާއި، އައުޓްސްޓޭންޑިން މެނޭޖިން ޑިރެކްޓަރގެ އިތުރުން އައުޓްސްޓޭންޑިން ކޮމްޕެނީ ސެކެޓްރީ އެވެ.
މިއެވޯޑްތަކަށް ނޮމިނޭޓްވާނީ ދައުލަތުގެ ކުންފުނިތަކުގެ ތެރެއިން "ކޯޑް އޮފް ކޯޕަރޭޓް ގަވަރނަންސް ފޮރ ސްޓޭޓް އޯންޑް އެންޓަރޕްރައިސަސް" އަށް ޢަމަލުކުރަންޖެހޭ ސީއެމްޑީއޭގައި ލިސްޓްކޮށްފައި ނުވާ، ދައުލަތް ހިއްސާވާ ކުންފުނިތަކެވެ.
މި އެވޯޑް ދޭނެ ފަރާތްތައް ކަނޑައެޅުމުގެ ކަންކަން ކުރާނީ ކޯޕަރޭޓް ގަވަރނަންސް އެވޯޑު ކޮމޓީންނެވެ.
