އެކުގައި ގިނަ ފިލްމް ތަކެއް ކުޅެފައިވާ ބޮލީވުޑްގެ މަޝްހޫރު ދެތަރިން ކަމުގައިވާ އަޖޭ ދޭވްގަން އާއި ތައްބޫގެ "އޯރޯ މޭ ކަހާ ދަމް ތާ" ގެ ޓީޒާއެެއް ދައްކާލައިފި އެވެ.
"އޯރޯ މޭ ކަހާ ދަމް ތާ" ގެ ޑައިރެކްޓަރަކީ މީގެ ވަރަށް ސީރިއަސް ފިލްމުތަކެއް ގެނެސްދީފައިވާ ނީރަޖް ޕަންޑޭ އެވެ. ނީރަޖް އެންމެ ފަހުން ގެނެސްދިން ފިލްމަކީ 2018 ގެ "އައްޔާރީ" އެވެ.
އޭނަގެ ކުރީގެ ފިލްމުތަކުގެ ތެރޭގައި "އަ ވެނިޒްޑޭ"، "ސްޕެޝަލް 26″، "ބޭބީ" އަދި "އެމްއެސް ދޯނީ: ދި އަންޓޯލްޑް ސްޓޯރީ" ހިމެނެ އެެވެ.
ލޯބީގެ ވާހަކައަކަށް ހަދާފައިވާ މި ފިލްމުގެ ބަތަލާ އަކީ ތައްބޫ އެވެ. "އޯރޯ މޭ ކަހާ ދަމް ތާ" އަކީ މި ދެ ތަރިން އެކީގައި މަސައްކަކަތްކުރި 13 ވަނަ ފިލްމެވެ. މި ފިލްމް ރިލީޒް ކުރުމަށް ތާވަލު ކޮށްފައިވަނީ ޖުލައި މަހުގެ 5 ވަނަ ދުވަހަށެވެ.
ކޮމެންޓު ފޮނުވާ