ބޮލީވުޑްގެ ޕާފެކްޝަނިސްޓް ގެ ގޮތުގައި މަޝްހޫރު އާމިރު ހާން ގެ ފިރިހެން ދަރިފުޅު ޖުނައިދު ހާން އާއި ބޮލީވުޑްގެ އެފަދަ ދެވަނައެއް ނެއް ބަތަލާ މަރުހޫމާ ޝްރީދޭވީ ގެ ހަގު ދަރިފުޅު ހުޝީ ކަޕޫރް އެކީގައި ކުޅެން ހަމަޖެހިފައިވާ ފިލްމުގެ ޝޫޓިންގެ ބޮޑުބައި ނިންމައިލައިފިކަމަށް ރިޕޯޓްތަށް ބުނެފިއެވެ.
ރަސްމީކޮށް އަދި އިއުލާން ނުކުރާ މި ފިލްމަކީ ލޯބީގެ ފިލްމްއެކެވެ. ފިލްމްގެ ޝޫޓިން ކުރިއަށް ދަނީ މުމްބާއިގައިއެވެ. އަދި މި ޝެޑިއުލް މަސް ދުވަހަށް ކުރިއަށް ދާނެ ކަމަށް ބޮލީވުޑްގެ ހަބަރުތަށް ގެނެސްދޭ ނޫސްތަކުން ވަނީ ބުނެފައިއެވެ.
View this post on Instagram
ޖުނައިދު ކުޅުނު ފުރަތަމަ ފިލްމަކީ ޔާޝްރާޖް ފިލްމްސް (ވައިއާރްއެފް) އިން އަންނަ މަހު ނެޓްފްލިކްސް އަށް ދޫކޮށްލަން ތައްޔާރުވަމުން އަންނަ "މަހާރާޖް" އެވެ. ރިޕޯޓްތައް ބުނާ ގޮތުން އެ ފިލްމު ޕްރީމިއާކުރަން ނިންމާފައި ވަނީ ޖޫން 14 ގަ އެވެ.
ހުޝީ އަކީ މިހާރު ބޮލީވުޑްއަށް ތައާރަފްވެފައިވާ ބަތަލާއެކެވެ. އޭނާ ގެ ފުރަތަމަ ފިލްމް އަކީ ނެޓްފްލިކްސް އިން ޑައިރެކްޓަރު ޒޯޔާ އަހަތްރު ގެނެސްދިން ފިލްމް "ދި އާޗީސް" އެވެ.
View this post on Instagram
ނަން އަދި އިއުލާން ނުކުރާ ފިލްމު ޕްރޮޑިއުސް ކުރަނީ "ކްއީން" އާއި "މަސާން" އަދި "އުޅުތާ ޕަންޖާބު" ފަދަ ކާމިޔާބު ފިލްމުތައް ގެނެސްދިން ފޭންޓަމް ފިލްމްސްއިންނެވެ.
ޖުނައިދު އާއި ހުޝީ އެކުގައި ކުޅޭ ފިލްމް އަކީ 2022 ގެ ތަމަޅަ ފިލްމު "ލަވް ޓުޑޭ" ގެ ރިމޭކެކެވެ. ފިލްމުގެ ހިންދީ ވާޝަންގެ ޑައިރެކްޝަނާ ހަވާލުވެފައި ވަނީ 2022 ގައި ރިލީޒްކުރި އާމިރުގެ "ލާލު ސިންގް ޗަައްޑާ" ގެ ޑައިރެކްޓަރު އަދުވައިތު ޗަންދަނެވެ.
ބެލުންތެރިންގެ ބޮޑު މަގުބޫލު ކަމެއް ހޯދި "ލަވް ޓުޑޭ" އަކީ ޕްރަދީޕް ރަންގަނާތަން ލިޔެ، ޑައިރެކްޓް އަދި އޭނަ ބަތަލުގެ ރޯލު ވެސް ކުޅުނު ރޮމޭންޓިކް ކޮމެޑީއެކެވެ. ފިލްމުގެ ބަތަލާ އަކީ އިވާނާ އެވެ.
