މާރޗްމަހާ އަޅާ ބަލާއިރު އެޕްރިލްމަސް ނިމުނުއިރި ރާއްޖޭގެ ރަސްމީ ރިޒާވަށް ކުރިއެރުން ލިބިއްޖެއެވެ.
މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އާންމުކޮށްފައިވާ ތަފާސްހިސާބުތަކުގައި ވާގޮތުން ފާއިތުވި އެޕްރިލްމަސް ނިމުނުއިރު ރިޒާވުގައި 622.1 މިލިއަން ޑޮލަރު ހުރިކަމަށް ދައްކާއިރު މި އަހަރުގެ މާރިޗް މަސް ނިމުނުއިރު ރަސްމީ ރިޒާވްގައި ހުރީ 541.8 މިލިއަން ޑޮލަރެވެ.
މިއީ މި އަހަރުގެ މާޗް މަސް ނިމުނުއިރު ރަސްމީ ރިޒާވްގައި ހުރި އަދަދަށްވުރެ 80.3 މިލިއަން ޑޮލަރު އިތުރު އަދަދެކެވެ.
ރަސްމީ ރިޒާވްގައި ޖެނުއަރީމަސް ނިމުނުއިރު 551.1 މިލިއަން ޑޮލަރު ހުރިއިރު ފެބްރުއަރީމަސް ނިމުނުއިރު ހުރީ 588.8 މިލިއަން ޑޮލަރެވެ. ކުރު މުއްދަތުގެ ދަރަނި އުނިކުރުމުން އޭޕްރީލް މަސް ނިމުނުއިރު ޔޫޒަބަލް ރިޒާވްގައި ހުރީ 113.6 މިލިއަން ޑޮލަރެވެ. މާޗް މަސް ނިމުނުއިރު ޔޫޒަބަލް ރިޒާވްގައި ހުރީ 113.7 މިލިއަން ޑޮލަރުގަ އެވެ.
