މީހަކު ރަހީނުކޮށް ބިރު ދައްކައިގެން ފައިސާ ފޭރުނު މައްސަލައެއްގައި ދެ މީހަކު ހައްޔަރުކޮށްފި އެވެ.
މި މައްސަލާގައި ހައްޔަރުކޮށްފައިވަނީ 39 އަހަރުގެ ދިވެހި ފިރިހެނަކާއި 43 އަހަރުގެ ދިވެހި އަންހެނެކެވެ. އެ ދެ މީހުންގެ ބަންދަށް ކްރިމިނަލް ކޯޓުން ވަނީ 15 ދުވަސް ޖަހާފަ އެވެ.
ކްރިމިނަލް ކޯޓުގެ ބަންދު އަމުރުގައިވާ ގޮތުން ބަންދު ކުރި ދެ މީހުންގެ މައްޗަށް ތުހުމަތު ކުރެވެނީ މީހަކު ކޮޓަރިއަކަށް ވައްދައި، އެމީހާއަށް ބިރު ދައްކައިގެން ފައިސާ ފޭރުނު ކަމުގެ ތުހުމަތެވެ.
ދެ މީހުންގެ ބަންދާ މެދު ތުހުމަތެއް ވުޖޫދުވާ މިންވަރަށް ހެކީގެ ގޮތުގައި، ސީސީޓީވީ ފުޓޭޖްގެ ސްނެޕްޝޮޓްތައް ލިބިފައިވާ ކަމަށް ކޯޓު އަމުރުގައިވެ އެވެ.
މާލޭގައި މިފަހުން ވަނީ ރަހީނު ކުރުމުގެ މައްސަލަތައް ގިނަވެފަ އެވެ. އެގޮތުން މިދިޔަ މަހުގެ 25 ގައި ނޭޕާލު މީހަކު ރަހީނުކުރި މައްސަލާގައި ބަންގްލަދޭޝްގެ ތިން މީހަކު ވެސް ވަނީ ހައްޔަރުކޮށްފަ އެވެ.
ކޮމެންޓު ފޮނުވާ