ކުރީގެ މޮޑެލް އަދި ފިލްމީ ތަރި ސަނާ ޚާންވަނީ، އޭނާގެ ކައިވެންޏަށް އެއްއަހަރު ފުރުމުގެ އުފަލުގައި އިންސްޓަގްރާމުން ވީޑިއޯއެއް ހިއްސާކޮށްފައެވެ. މީގެއިތުރުން ސަނާ ވަނީ ކައިވެންޏަށް އެއް މަސް ފުރުމުން އޭނާގެ ފިރިމީހާ ދިން ހަދިޔާ ކަމުގައިވާ އާ ފޯނުގެ ވީޑިއޯއެއް އޭނާގެ އިންސްޓާގްރާމް ސްޓޯރީގައި ހިއްސާކޮށްފައެވެ. ސަނާ އާއި އަނަސް ކައިވެނިކޮށްފައިވަނީ މިއަހަރުގެ ނޮވެމްބަރ މަހުގެ 20 ވަނަ ދުވަހުއެވެ.
ސަނާ އޭނާގެ ފިރިމީހާ ދިން ހަދިޔާ ސްޓޯރީގައި ޝެއާކުރަމުން ފިރިމީހާއަށް ޝުކުރުއަދާކޮށް ލިޔެފައިވެއެވެ. އެކުގައި އުޅޭތާ މިވީ އެއްމަސް ދުވަސް ކަމަށާއި ސަނާގެ ފަރާތުން އަނަސްއަށް އޮތް ހަދިޔާ ހަދިޔާއެއްގެ ވާހަކަވެސް ބުނެފައި އޮތެވެ. މި ވީޑިއޯގައި ސަނާ ފެނިގެންދަނީ ފޯނުލާފައި އޮތް ފޮށި ނަގައި ފޯނު ރީއްޗަށް ދައްކާލާތަނެވެ.
ރިޕޯޓުތައް ބުނާގޮތުގައި ސަނާ ޚާން ކައިވެނިކޮށްފައިވަނީ އޭނާގެ ކުރީގެ ލޯބިވެރިޔާއާއި އޮތް ގުޅުން ނިމުމަކަށް އައުމުންނެވެ. ސަނާ އަނަސްއާއި ކައިވެނިކުރުމުގެ ކުރިން ރައްޓެހިވެގެން އުޅުނީ މަޝްހޫރު ކޮރެއޮގްރަފާ މެލްވިން ލުއިސް އާއެވެ. އަދި އެދެމީހުން ރުޅިވެފައިވަނީ މިއަހަރުގެ ކުރީކޮޅުއެވެ.
ސަނާ ކައިވެނިކުރި ސަބަބު ކިޔައިދެމުން ބުނެފައިވަނީ އެއީ އޭނާ އެއް ރެއިން ނިންމި ނިންމުމެއް ނޫނަކަމަށާއި އަނަސް ކަހަލަ މީހަކު ލިބޭތޯ ކުރީއްސުރެވެސް ދުޢާކުރަމުން އައިކަމަށެވެ.
View this post on Instagram
އަނަސްވެސް މި ވާހަކަތަކަށް ރައްދުދީ ބުނެފައިވަނީ އޭނާ ސަނާއަށް ދިރިއުޅުން ވަކި ގޮތަކަށް ބައްޓަން ކުރުމަށް މަޖުބޫރު ނުކުރުވާކަމަށެވެ. އިންސްޓާގުރާމުގައި ބުރުގާއެޅިކަން އިއުލާނުކުރީވެސް ސަނާ އަމިއްލައަށް ކަމަށާއި އޭރުމީހުން ހީކުރީ ކޯވިޑުގެ ބަލިމަޑުކަމުގެ ސަބަބުން ސަނާ ނިންމި ނިންމުމެއް ގޮތުގައި ކަމަށްވެސް އަނަސް ބުންޏެވެ. އަދި ފިލްމީ ދާއިރާ ދޫކޮށްލަން ނިންމިކަން އިޢުލާނުކުރުމުން އޭނާވެސް ހުރީ ޝޮކެއްގައި ކަމަށް ޓައިމްސް އިންޑިއާއަށް ދިން އިންޓަވިއުގައި އަނަސް ބުނެފައިވެއެވެ.
