އިންޑިއާގެ މަޝްހޫރު ކްރިކެޓް ކުޅުންތެރިއާ ހާރްދިކް ޕާންޑޭ އާއި ބަތަލާ ނަތާޝާ ސްޓެންޓޮވިކް ގެ ކައިވެނި ނިމުމަކަށް އައިސްފައިވާކަމަށް މީޑިއާ ރިޕޯޓްތަށް ބުނެފިއެވެ.
މި ވާހަކަ އެންމެ ބޮޑަށް ދެކެވެން ފެށި އޭނާ ވެޑިންގ ރިންގް އާއި ނުލާ ބޭރުގައި އުޅެނިކޮށް ފެނިގެންނެވެ. އަދި މީގެ އިތުރުން މީޑިއާ އަށް ދިން އިންޓަވަވިއުއެއް ގައި ހާރްދިކް ބުނެފައިވަނީ ނަތާޝާ އާއި އެކުގައި އުޅޭވޭނީ ވަރަށް ކެއްތެރިންނާއި އެކުގައި ކަމަށެވެ.
ނަތާޝާ އާއި ހާރްދިކް ކައިވެނި ކުރީ 2020 ވަނަ އަހަރުގައިއެވެ. ވަރަށް ކުލަގަދަކޮށް ބޭއްވި އެކައިވެނީގައި އެމީހުންގެ އާއިލާ އާއި ގާތް މީހުން ވަނީ ބައިވެރި ވެފައިއެވެ. އެމީހުންނަށް ވަނީ ކުއްޖަކު ވެސް ލިބިފައިއެވެ. އެއީ މިހާރު 3 އަހަރުގެ އަގަސްތިޔާ ޕާންޑޭއެވެ.
View this post on Instagram
އެދެމީހުންގެ ވަރީގެ އަޑު ގަދަވެފައި ވީ ނަމަވެސް އެދެމީހުން ގެ ތެރެއިން އެއްވެސް މީހެއް އަދި މިކަމާއި ބެހޭގޮތުން އެއްވެސް ވާހަކައެއް ދައްކައިފައިއެއް ނުވެއެވެ. އަދި އެމީހުންގެ އާއިލާ އިން ވެސް އެކަމާއި ގުޅިގެން މިހާތަނަށް އެއްޗެއް ބުނެފައިއެއް ނުވެއެވެ.
