ރަޖީވް މެނަން 1997 ގައި ގެނެސްދިން ކާމިޔާބު ތަމަޅަ ފިލްމު "މިންސާރާ ކަނަވޫ" އިން އެކުގައި ފެނިގެންދިއަ ދެތަރިން ކަމުގައިވާ ކާޖޮލް އާއި ޕްރަބޫ ދޭވާ އެކުގައި ސްްރީން އަށް އަންނަށް ތައްޔާރުވާން ފަށައިފިއެވެ.
އެކީގައި ކުޅުނު ފުރަތަމަ ފިލްމަށް 27 އަހަރު ފަހުން ކާޖޮލް އާއި ޕްރަބޫދޭވާ އެކީގައި ފެނިގެން ދާނީ އެކްޝަން ފިލްމްއަކުންނެވެ. މި އެކްޝަން ފިލްމުގެ ޑައިރެކްޓަރަކީ ނެޝަނަލް އެވޯޑް ހޯދާފައިވާ ތެލެގޫ ޑައިރެކްޓަރު ޗަރަން ކަމަށެވެ.
އޭނަ އަކީ "އޮޓޯގްރާފް" އާއި "ވެޓްރީ ކޮޑީ ކައްޓޫ" ފަދަ ފިލްމުތައް ގެނެސްދިން ޑައިރެކްޓަރެވެ. ޗަރަންގެ އާ ފިލްމާ ބެހޭ އިތުރު ތަފުސީލެއް އަދި ނުލިބެ އެވެ. އެގޮތުން މީގެ ނަން ވެސް އަދި ސާފެއް ނުވެ އެވެ.
ކާޖޮލް އާއި ޕްރަބޫދޭވާ އެކީގައި ކުޅުނު ފުރަތަމަ ފިލްމަކީ ޑައިރެކްޓަރު ރަޖީވް މެނަން 1997 ގައި ގެނެސްދިން ކާމިޔާބު ތަމަޅަ ފިލްމު "މިންސާރާ ކަނަވޫ" އެވެ. ހިންދީ ބަހުން "ސަޕްޕޭ" ގެ ނަމުން ގެނެސްދިން ފިލްމުގެ ރޯލެއް މަޝްހޫރު އެކްޓަރު އަރްވިންދު ސުވާމީ ވެސް ކުޅުނެވެ.
