ސަރުކާރުގެ ކުންފުންޏެއް ކަމަށްވާ ބިޒްނަސް ސެންޓާ ކޯޕަރޭޝަން، (ބީސީސީ) އާ ހަވާލުކޮށްގެން ރާއްޖޭގައި ލޮނު އުފެއްދުމުގެ މަސައްކަތް ކުރަމުންދާ ކަމުގައި އިކޮނޮމިކް މިނިސްޓަރ މުހައްމަދު ސައީދު ވިދާޅުވެއްޖެއެވެ.
މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ސައީދު ވިދާޅުވީ ރާއްޖޭގެ ބިޔަ ކަނޑުގެ ފުރިހަމަ މަންފާ ހޯދުމަށް މަސައްކަތްތަކެއް ކުރަން ޖެހޭ ކަމަށާއި މި ފަސް އަހަރުގެ ތެރޭގައި ރާއްޖޭގައި ލޮނު އުފެއްދުމަކީ ސަރުކާރުގެ އަމާޒެއް ކަމުގައެވެ.
ސައީދު ވިދާޅުވީ ރާއްޖޭގައި އޮތް ޓޫރިޒަމް އިންޑަސްޓްރީއަށް ވަރަށް ކޮލިޓީ ލޮނެއް އިމްޕޯޓްކުރާ ކަމަށެވެ. އަދި ރާއްޖޭގައި ދިވެހިން ބޭނުން ކުރުމަށްޓަކައި މި ގެންނަ ލޮނުގެ ބާވަތްތަކާއި ހުރިހާ އެއްޗެއް ރާއްޖޭގައި އުފައްދަން ބޭނުންވާ ކަމަށްވެސް އޭނާ ވިދާޅުވިއެވެ.
ރާއްޖޭގައި އޮތް ޓޫރިޒަމް އިންޑަސްޓްރީ އަށް އިމްޕޯޓް ކުރޭ ހާއްސަކޮށް ވަރަށް ކޮލިޓީ ލޮނު. ރާއްޖޭގައި ދިވެހިން ބޭނުން ކުރުމަށްޓަކައި މި ގެންނަ ލޮނުގެ ބާވަތްތައް، މި ހުރިހާ އެއްޗެއްގެ ޕްރޮޑަކްޝަން އަޅުގަނޑުމެން ބޭނުން ރާއްޖޭގައި އުފައްދަން
ސައީދު ވިދާޅުވިއެވެ.
ކުރިޔަށް އޮތް 5 އަހަރުތެރޭ ރާއްޖޭގައި ލޮނު އުފެއްދުމުގެ މަސައްކަތް ކުރައްވާނެކަމަށް ވިދާޅުވިނަމަވެސް އެކަން ކުރެވޭނީ ސީދާ ކޮން ދުވަހަކުންކަން އަދި ބުނަން އުދަނގޫ ކަމަށް ސައީދު ވިދާޅުވިއެވެ.
