މީގެ ދެދުވަހެއް ކުރިން އެންމެ ގަދައަށް ދެކެވުނު ވާހަކަ އަކި ކެޓްރީނާ ކައިފް ބަނޑުބޮޑު ކަމުގެ ވާހަކަ ތަކެވެ. މިވާހަކަ ތަށް ދެކެވެން ފެށިފައިވަނީ ލަންޑަންގެ މަގެއް މަތިން ކެޓްރީނާ އާއި އޭނާގެ ފިރިމީހާ އެކްޓަރު ވިކީ ކޯޝަލް ހިނގާފައި ދަނިކޮށް ނަގައިފައިވާ ވީޑިއޯ އެއް ވައިރަލް ވުމާއި އެކުގައިއެވެ.
މި ވީޑިއޯގައި ކެޓްރީނާ ހިނގާ ގޮތުންނާއި ލަފައި ހުރި ހެދުމުން އޭނާ ބަނޑު ބޮޑުކަމަށް މީޑިއާއިން ވަނީ ރިޕޯޓް ކޮށްފައިއެވެ. މި ކަމާއި ގުޅިގެން ކެޓްރީނާ ވަނީ ރައްދު ދީފައިއެވެ.
ކެޓްރީނާ ބުނީ ކަށަވަރު ނުވާ ފާޑު ފާޑުގެ މައުލޫމާތު ނުފެތުރުމަށެވެ. ވަރަށް ހިތްހަމަ ނުޖެހިފައި ކެޓްރީނާ ބުނީ އެއްވެސް ހަބަރެއް ފެތުރުމުގެ ކުރިން ހަބަރުގެ ސައްހަކަން ކަށަވަރު ކުރުން ރަނގަޅުވާނެ ކަމަށެވެ.
View this post on Instagram
ކެޓްރީނާ އެހެން ބުނި ނަމަވެސް އޭނާ އިނީ ބަލިވެ ކަމެއް ނުވަތަ ނޫން ކަމެއް ބުނެފައި އެއް ނުވެއެވެ. އެހެންވެ އޭނާ ބަނޑުބޮޑު ކަމަށް ބުނެ ކުރާ ސުވާލު އަދިވެސް އޮތީ ސުވާލު މާކެއްގެ ތެރޭގައިއެވެ.
ކެޓްރީނާ އާއި ވިކީ ކައިވެނިކޮށްފައި ވަނީ 2021 ގައި އިންޑިއާގެ ރާޖަސްތާން ގަ އެވެ. އެކައިވެނި ކުރިވިގެން ދިއައީ ހިންދީ ދީނުގެ އާދަކާދަ ތަކާއި އެއްގޮތަށެވެ. ހަމަ އެއާއި އެކުގައި ކްރިސްޓިއަން ދީންގެ އާދަކާދަ ތަކާއި އެއްގޮތަށް ވެސް އެމީހުން ވަނީ ކައިވެނި ކޮށްފައިއެވެ.
