ނަތަންޔާހޫއާއި އިސްރާއިލުގެ ޑިފެންސް މިނިސްޓަރ ހައްޔަރުކުރުމުގެ އަމުރަށް ދިވެހިރާއްޖެއިން ތާއީދުކުރާނެކަން ރައީސްގެ މުއިއްޒު ހާމަ ކުރައްވައިފިއެވެ.
އިސްރާއީލުން ޢައްޒާގައި ހިންގަމުންދާ ހަނގުރާމައިގެ ޖަރީމާތަކާއި، އަދި 7 އޮކްޓޯބަރުގައި ހަމާސްއިން އިސްރާއީލަށް ދިން ހަމަލާއާގުޅިގެން، އިސްރާއީލުގެ ބޮޑުވަޒީރު ނަތަންޔާހޫގާއި އެގައުމުގެ ދިފާއީވަޒީރުގެ އިތުރުން ފަލަސްތީނުގެ ހަމާސް ޖަމާއަތުގެ އިސްވެރިން ހައްޔަރު ކުރުމުގެ އަމުރަކަށް ޕްރޮސެކިއުޓަރުން ބައިނަލްއަގުވާމީ ޖިނާއީ ކޯޓުގައި އެދިފައިވަނިކޮށް، ރައީސް މުއިއްޒު ކުރެެއްވި އެކްސް ޕޯސްޓުގައި ވިދާޅުވީ އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ އާއި އިސްރާއީލުގެ ޑިފެންސް މިނިސްޓަރު ޔޯއަވް ގަލަންޓް ހައްޔަރުކުރުމުގެ އަމުރު ހޯދުމަށް ބައިނަލްއަގުވާމީ ޖިނާއީ ކޯޓަށް އައިސީސީގެ ޕްރޮސެކިއުޓަރު ހުށަހެޅުމުން ރާއްޖެއިން މަރުހަބާ ކިޔާކަމުގައެވެ.
މިއީ ފަލަސްތީނުގެ ރައްޔިތުންނަށް އިންސާފު ހޯދައިދިނުމަށް އެޅިފައިވާ މުހިންމު ފިޔަވަޅެއް. އެއްވެސް ޤައުމަކީ ބައިނަލްއަޤްވާމީ ޤާނޫނުތަކަށްވުރެ މަތީ ޤައުމެއް ނޫން ، ހިފާފައިވާ ފަލަސްތީނުގެ ސަރަޙައްދުގައި ހަނގުރާމައިގެ ޖަރީމާތައް ހިންގަމުންދާ މީހުން ޖަވާބުދާރީވާން ޖެހޭނެ.
ރައީސް މުއިއްޒުގެ އެކްސް ޕޯސްޓުގައި ވިދާޅުވެފައި ވެއެވެ.
ރައީސް މުއިއްޒުގެ އެކްސް ޕޯސްޓުގައި ވިދާޅުވީ އިސްރާއީލުން ޣައްޒާގައި ހަނގުރާމައިގެ ޖަރީމާތަކާއި އިންސާނިއްޔަތާ ދެކޮޅަށް ހިންގާ ޖަރީމާތައް ސާބިތުވާ ވަރަށް ހެކި ޕްރޮސެކިއުޓާ އޮފީހުން އެއްކޮށްފައިވާ ކަމަށެވެ. ބައިނަލްއަޤްވާމީ މައިދާނުގައި ފަލަސްތީނުގެ ރައްޔިތުންނަށް އެހީތެރިވުމުގައި ރާއްޖެ ދެމި އޮންނާނެ ކަމުގައި ރައީސް މުއިއްޒި ވިދާޅުވެފައި ވެއެވެ.
ބައިބަލްއަގުވާމީ ޖިނާއީ ކޯޓުގެ ޗީފް ޕްރޮސެކިއުޓާ ކަރީމްޚާން މިއަދު ވިދާޅުވީ އިޒްރޭލުގެ ޑިފެންސް މިނިސްޓަރު ޔޯވް ގަލަންޓްގެއިތުރުން ހަމާސްގެ އިތުރު ދެ ލީޑަރުން ކަމަށްވާ އަލް ޤާސިމްބްރިގޭޑްގެ ލީޑަރު އަދި މުހައްމަދު ދީފްގެ ނަމުންމަޝްހޫރުވެފައިވާ މުހައްމަދު ދިއާބް އިބްރާހިމް އަލް މަސްރީ އާއިހަމާސްގެ ސިޔާސީ ލީޑަރު އިސްމާއިލް ހަނިއްޔާ ހައްޔަރު ކުރުމުގެ އަމުރަކަށް ވެސް އައިސީސީން އެދެމުން އަންނަކަމަށެވެ.
އިސްރާއީލުގެ ސިޔާސީ ލީޑަޝިޕްގެ މައްޗަށް ޖިނާއީ ކޯޓުން ނެރޭ އަމުރު ވެގެންދާނީ އެމެރިކާގެ ގާތް އެކުވެރިއެއްގެ އިސްލީޑަރަކަށް އައިސީސީން މިފަދަ އަމުރެއްނެރޭ ފުރަތަމަ ފަހަރު ކަމުގައެވެ. މި ނިންމުމުގެ ސަބަބުން ނަތަންޔާހޫ ރަޝިއާގެރައީސް ވްލަޑިމިއާ ޕޫޓިންއާއެކު ހިމެނިގެންދާނީ ބައިނަލްއަގުވާމީ ޖިނާއީ ކޯޓުން ހައްޔަރު ކުރުމުގެ އަމުރު ނެރެފައިވާ ގައުމުތަކުންގެ ލީޑަރުން ލިސްޓުގައެވެ. ޔޫކްރެއިންއާ ދެކޮޅަށްމޮސްކޯއިން ކުރަމުންދާ ހަނގުރާމައިގެ ސަބަބުން އައިސީސީން ވަނީ ރަޝިއާގެ ރައީސް ލާޑިމިރު ޕުޓިން ހައްޔަރުކުރުމުގެއަމުރެއް ނެރެފައެވެ.
ހަމާސްގެ ލީޑަރުންގެ މައްޗަށް ކޮށްފައިވަނީ އިންސާނިއްޔާތާއި ޚިލާފް ޖަރީމާ ހިންގުމާއި، މީހުން ރަހީނުކުރުމާއި، ރޭޕްގެ ކުށެވެ. އިސްރާއީލުގެ ލީޑަރުންގެ މައްޗަށް ވަނީ، ބަނޑުހައި ހޫނުކަން ހަނގުރާމައިގެ ހަތިޔާރެއްގެ ގޮތުގައި ބޭނުންކުރުމާއި، އިންސާނިއްޔަތާ ޚިލާފު، ހަނގުރާމައިގެ ޖަރީމާތައް ހިންގުމާއި ގަތުލުއާންމު ކުށުގެ ތުހުމަތުވެސް ކޮށްފައެވެ.
