ސިލްސިލާ ޑްރާމާ ތަކުން މަގުބޫލު ކަން ހޯދައިފައިވާ ބަތަލާ ޝިވާންގީ ޖޯޝީ އާއި ލޯބީގެ ގޮތުން ގުޅިގެން އުޅޭ ކަމުގެ އިޝާރާތެއް މަޝްހޫރު ޓިވީ އެކްޓަރު ކުޝާލް ޓަންޑަން ދީފިއެވެ.
ޝިވާންގީ ގެ އުފަންދުވަހުގައި ކުރި ޕޯސްޓެއްގައި އޭނާ ވަނީ ޝީވާންގީ އަށް ޝުކުރު އަދާކޮށްފައިއެއްވެ. އެއީ އޭނާގެ ހަޔާތުގައި ހިއްސާ ވި ކަމަށް ބުނެއެވެ. އަދި އެކީގައި އިތުރު އެތައް އުފަންދުވަސްތަކަކާއި ރީތި ހަނދާންތަކެއް ހިއްސާ ކުރެވިގެންދާނެ ކަމަށްވެސް ކުޝަލް ވަނީ ބުނެފަ އެވެ.
މި ފަހުން އެދެމީހުން ލޯބީގެ ގޮތުން ގުޅިގެން އުޅޭ ކަމަށާއި އަދި ވަރަށް އަވަހަށް ކައިވެނި ކުރަން އުޅޭ ކަމަށް މީޑީއާއިން ބުނުމުން އެކަމަށް އެދެތަރިން ވެސް ވަނީ ރައްދުދީފައިއެވެ. އަދި އެއީ 'ރޫމާ’އެއް ކަމަށް ވަނީ ބުނެފައިއެވެ.
ދެތަރިން އެކުގައި ފެނިގެންދިއަ "ބަރްސާތޭ" އަށް ފަހު ގައި މިދެމީހުންގެ މެދުގައި ލޯބީގެ ގުޅުން ބަދަހި ވެފައިވާ ކަމަށް އެކި ފަހަރު މަތިން މީޑިއާއިން ވަނީ ބުނެފައިއެވެ. ނަމަވެސް މިވާހަކަ އަށް މިދެމީހުން ކުރެ އެއްވެސް މީހަކު އެއްބަސް ވެފައިއެއް ނުވެއެވެ. އަދި އިންކާރުވެސް ކޮށްފައިއެއް ނުވެއެވެ.
View this post on Instagram
ރިޕޯޓުގައިވާ ގޮތުން އެދެމީހުންގެ ގުޅުން ބަދަހިވީ ޖުލައި 2023 އިން ފެބްރުއަރީ 2024 އަށް ގެނެސްދިން ޑްރާމާގައި މަސައްކަތް ކުރަމުން ދަނިކޮށެވެ. އަދި މި ޕޯސްޓާއި އެކުގައި އެމީހުންގެ ލޯބީގެ ގުޅުން އިއުލާން ކުރީކަމަށް ގިނަބަޔަކު ބުނެއެވެ.
