ސަލްމާން އާއި އެކުގައި ސަންޖޭ ލީލާ ހެދުމަށް އިއުލާން ކުރި ލޯބީގެ ފިލްމް ވާނުވާ ގައި އޮތް ނަމަވެސް އަދި ވެސް ސަލްމާން އާއި އެކުގައި ފިލްމްއެއް ހެދުމުގެ އުންމީދު ދޫކޮށް ނުލާ ކަމަށް ސަންޖޭ ލީލާ ބަންސާލީ ބުނެފިއެވެ.
ބޮލީވުޑްގެ ނަންބަރު 1 ޑައިރެކްޓަރުގެ ގޮތުގައި ފާހަގަ ކުރެވޭ ސަންޖޭ އާއި އެކުގައި މަސައްކަތް ކުރުމަކީ ވަރަށް ގިނަ އެކްޓަރު ގެ ހުވަފެނެކެވެ. ސަލްމާން މީގެ ކުރިން ވަނި ދެ ފިލްމްއެއްގައި ސަންޖޭ އާއި އެކުގައި މަސައްކަތް ކޮށްފައިއެވެ. އެއީ 1996 ވަނަ އަހަރުގެ ފިލްމް "ހާމޯޝީ" އާއި 1999 ވަނަ އަހަރުގެ "ހަމް ދިލް ދެ ޗުކެ ސަނަމް" އެވެ.
މި ދެފިލްމް ވެސް ވެގެން ގޮސްފައިވަނީ ވަރަށް ކާމިޔާބު ދެ ފިލްމް އަށެވެ. ބެލުންތެރިންގެ ބޮޑު މަގުބޫލު ކަމެއް ލިބިގެންދިއަ މި ފިލްމް އަކީ ބޮކްސްއޮފީގައިވެސް ރެކޯޑްތަށް މުގުރާލި ދެ ފިލްމްއެވެ.
ސަންޖޭ މީގެ ދެއަހަރެއްހައި ދުވަސް ކުރިން ސަލްމާން އާއި އެކުގައި އިއުލާން ކުރި ފިލްމް އަކީ "އިންޝާ ٱللَّٰه" އެވެ. އެ ފިލްްމް އަށް އޭނާ ނެގި ބަތަލާ އަކީ އާލިއާ ބަޓްއެވެ. މި ފިލްމް ބިނާވެފައިވަނީ ދުވަސްވީ މީހަކާއި ޒުވާން އަންހެން ކުއްޖެއްގެ ލޯބީގެ ވާހާކައެއްގެ މައްޗަށް ކަމަށްވެއެވެ.
View this post on Instagram
ފިލްމް އަށް ސަލްމާން އާނ ބަސް ދިން ނަމަވެސް ފަހުން އެ ފިލްމް ނުކުޅުމަށް އޭނާ ނިންމުމުން ފިލްމް ވާނުވާ ވަތްގަނޑަށް ލާން ޖެހުނީއެވެ. އަދާއި ހަމައަށްވެސް އެފިލް އޮތީ އެގޮތުގައިއެވެ. މީގެ ކުރިން ދިން އިންޓަވިއުއެއް ގައި ސަންޖޭ ބުނެފައިވަނީ އޭނާ އެ ފިލްމް ހަދާނީ ސަލްމާން އާއި އެކުގައި ކަމެވެ. އަދި އިތުރު އެކްޓަރަކަށް އޭނާ އެ ފިލްމް ހަވާލު ނުކުރާނެ ކަމަށް ވެސް ވަނީ ބުނެފައިއެވެ.
މި ފިލްމް އެއްގެ މައްސަލައިގައި ސަންޖޭ އާއި ސަލްމާން ގެ މެދުގައި ކުޑި ޖެހުނު ވެސްމެއެވެ. ނަމަވެސް މިހާރު އެމީހުންގެ ގުޅުން ރަނގަޅުވެފައިވާކަމަށް މީޑިއާއިން ބުނެއެވެ. ނަމަވެސް އަދިވެސް ފިލްމް އޮތީ ވާނުވާ ވަތްގަނޑުގައިއެވެ.
ސަންޖޭ އާއި އޮތް ގުޅުން ރަނގަޅުކަން ހާމަވެގެން ގޮސްފައިވަނީ މިފަހުން ނެޓްފްލިކްސް އާއި ގުޅިގެން ސަންޖޭ ހެދި ވެބް ސީރީޒްގެ ޕްރިމިއާއަށް ސަލްމާން ހާޒިރު ވުމުންނެވެ. އެ ދެމީހުން އެކުގައިވެސް ވަނީ ފޮޓޯ ނަގައިފައިއެވެ. އެހެން ކަމުން އަނެއްކައިވެސް "އިންޝާ ٱللَّٰه" ހެދުމުގެ އައު މައުލޫމާތު ތަކެއް އަޑުއިވިގެން ގޮސްފާނެއެވެ. ނުވަތަ އެހެން ފިލްމް އެއް ނަމަވެސް ހެދުމަކީ އެކަށީގެންވާ ކަމެކެވެ.
