ދިވެހިވަންތަކަން ހިމާޔަތްކޮށް މިނިވަންކަން ދެމެހެއްޓޭނީ ކާބަފައިންގެ އާސާރީ ތަރިކަތައް ރައްކާތެރި ކޮށްގެންކަމުގައި ރައީސް މުއިއްޒު ވިދާޅުވެއްޖެއެވެ.
ރައީސް މުއިއްޒު މިހެން ވިދާޅުވީ މިއަދު ފާހަގަ ކުރެވެމުންދާ ބައިނަލްއަގުވާމީ ދާރުލްއަސާރުގެ ދުވަހުގެ މުނާސަބަތުގައި ކުރެއްވި އެކްސް ޕޯސްޓެއްގައެވެ.
ބައިނަލްއަގުވާމީ ދާރުލްއަސާރުގެ ދުވަސް ކޮންމެ އަހަރަކުވެސް ފާހަގަކުރަނީ މޭމަހުގެ 18 ދުވަހުއެވެ. އެދުވަސް ބައިނަލްއަގުވާމީގޮތުން ފާހަގަކުރަމުންދަނީ ތާރީޚީ އާސާރުތައް ރައްކާކުރެވޭ ދާރުލްއަސާރުތަކަށް ކުރިމަތިވާ ގޮންޖެހުންތައް ސަމާލުކަމަށް ގެެނެސް އެ ގޮންޖެހުންތަކުން އަރައިގަތުމަށާއި މުޖުތަމައުގެ ކުރިއެރުމުގައި ދާރުލްއާސާރުތަކުން އަދާކުރާ ދައުރުގެ މުހިންމުކަން ފާހަގަ ކުރުމަށެވެ.
މިދުވަސް ދުނިޔޭގައި އެންމެ ފުރަތަމަ ފާހަގަ ކޮށްފައިވަނީ އިންޓަރނޭޝަނަލް ކައުންސިލް އޮފް މިއުޒިއަމް (އައިސީއޯއެމް)އިން 1977 ވަނަ އަހަރުއެވެ.
ރާއްޖޭގައިވެސް ގައުމީ ދާރުލްއާސާރެއް ހުރެއެވެ. އެތަނުގައި ދިވެހި ގަދީމީ ތާރީޚާއި ގުޅުންހުރި ގިނަ ތަކެއްތާއި ކަންކަން ފެންނާން ހުރެއެވެ.
