1999 ވަނަ އަހަރު ގެެނެސްދިން ކާމިޔާބު ފިލްމް "ސަރުފަރޯޝް" ގެ ދެވަނަ ބައެއް ހަދާނެކަމުގެ ޔަގީންކަން ދީފި އެވެ.
ބޮލީވުޑްގެ ތަރި އާމިރު ޚާންގެ ކެރިއަރުގެ އެންމެ ފާހަގަކޮށްލެވޭ ފިލްމުތަކުގެ ތެރޭގައި ހިމެނޭ މި ފިލްމް ގެ ސީކުއަލް ގެ ވާހަކަ ކުރިން ވަރަށް ގިނައިން ވަނީ ދެކެވިފައިއެވެ. މި ފިލްމްގެ ދެވަނަ ބައެއްގެ ޔަގީންކަން ދީފައިވަނީ ހުދު އާމިރު ހާންއެވެ.
އާމިރު ބުނީ "ސަރުފަރޯޝް" ގެ ދެވަނަ ބައި ގެނެސްދޭނެ ކަމަށާއި ފިލްމުގެ ޓީމުން އެކަމަށް މިހާރު ވެސް މަސައްކަތްތަކެއް ކުރަމުން އަންނަ ކަމަށެވެ. އެހެން ކަމުން ވަރަށް ކައިރި މުސްތަގުބަލެއްގައި މި ފިލްމް ބެލުންތެރިންނަށް ފެނިގެންދާނެ ކަމަށް އުންމީދު ކުރެވެއެވެ.
ޖޯން މެތިއު ޑައިރެކްޓް ކުރި މި ފިލްމް އަކީ ވަތަނީ ފިލްމްއެކެވެ. މި ކާމިޔާބު ފިލްމް ގައި އާމިރު އާއި އެކުގައި ފެނިގެންދިއައީ ސޮނާލީ ބެންޑްރޭ އާއި ނަސީރުއްދީން ޝާހު އެވެ. އެންމެ 8 ކްރޯޑް ރުޕީސް އިން ހެދި ފިލްމަށް ބޮކްސް އޮފީހުގައި 33.46 ކްރޯޑް ރުޕީސް ލިބުނެވެ.
