ނޭޕާލުގެ ބަޑުވަޒީރުގެ ކޭޕީ ޝަރުމާގެ އެދުމުގެ މަަތިން އެގައުމުގެ ރައީސް، ގާނޫނު ހަދާ މަލިސް އުވާލާ، އަންނަ އަހަރުގެ އެޕްރިލް އަދި މޭމަހު ގާނޫނު ހަދާ މަޖިލީހުގެ އިންތިޚާބު ބާއްވާގޮތަށް ހަމަޖައްސައިފިއެވެ. މިއީ އާމުން އިންތިޚާބު ބޭއްވުމަށް ހަމަޖެހިފައިވާ ތާރީޚަށްވުރެއް އެއް އަހަރުދުވަސް ކުރީގެ ތާރީޚެކެވެ.

އާދީއްތަ ދުވަހު ނޭޕާލުގެ ރައީސްގެ މި ނިންމެވުމުން ފެނިގެންދަނީ، 1990ގެ މުޒާހިރާތަކަށްފަހު، މަލްޓިޕާޓީ ޑިމޮކްރަސީ އެގައުމަށް ތައާރަފް ކުރެވި، އަދި ގައުމުގެ އެތެރޭގެ ސިޔަސީ ފަރާތްތަކުގެ މެދުގައި ދައުރުވަމުންދާ ގޮތަށް ވެރިކަމުގެ ނިޒާމު ބައްޓަންވެފަ އޮތް، ހިމާލިޔާ ސަރަހައްދުގެ މި ކުޑަކުޑަ ގައުމުގެ ސިޔާސީ މަސްރަަހުވެސް ހަލަބޮލިވަމުން ދާކަން ކަމުގައި، މަސްރަހު ދިރާސާ ކުރާ ފަރާތްތަކުން ބުނެއެވެ.

ނޭޕާލުގައިވެސް، ކޯވިޑް19 މިހާރު ދަނީ ހަލުއި ކަމާއެކު ފެތުރެމުންނެވެ.

ނޭޕާލުގެ ރައީސް، ބިދުޔާ ދޭވީ ބަންދަރީގެ އޮފީހުން ނެރުއްވި ސްޓޭޓްމަންޓެއްގައި ބުނެވައިވަނީ، އެގައުމުގެ ކެބިނެޓުގެ އެމަޖެންސީ ބައްދަލުވުމަކަށްފަހު، ނިންމާފައިވާ ގޮތުގެމަތިން، އަންނަ އޭޕްރިލް މަހުގެ 30 ވަނަ ދުވަހުގައާއި އަދި މޭމެހުގެ 10 ވަނަ ދުވަހު، އާންމު އިންތިޚާބު ބޭއްވުމަށް އެގައުމުގެ ރައީސް މިހާރުވަނީ ނިންމަވާފައެވެ.

ނޭޕާލުގެ ވެރިކަން ކުރާ ނޭޕާލް ކޮމިއުނިސްޓް ޕާޓީން، ސަރުކާރުގެ މުހިންމު ނިންމުންތަކުގައި، ބޮޑުވަޒީރު އޯލީ އޭނާގެ ޕާޓީ ބައިވެރިކުރަމުން ނުދާކަމުގެ ތުހުމަތު އޭނާގެ މައްޗަށް ކުރުމާއި ގުޅިގެން ބޮޑުވަޒީރު، އޯލީ، 68، ވަނީ، ރައްޔިތުންގެ އިތުބާރު އަލުން ހޯއްދެވުމަށް ނިންމަވާފައެވެ.

އޯލީ 2017 ވަނަ އަހަރުގެ އާންމު އިންތިޚާބު ތަނަވަސް އަޢުލަބިއްޔަތަކުން ކާމިޔާބު ކުރެއްވީ، އެގައުމުގައި ވަކިވެގަތުމަށް ކުރިން ހަގުރާމަ ކުރި މާއޮސިސްޓް ޖަމާއަތްވެސް ހިމެނޭގޮތުން ފުޅާ ކޯލިޝަނެއް އުފައްދަވައިގެނެނެވެ.

"ޕާޓީގެ ޕާލިއަމެންޓްރީ ގުރޫޕުގަވެސް، ސެންޓްރަލް ކޮމިޓީގަވެސް އަދި ޕާޓީގެ ސެކެޓްރޭޓިއޭޓްގަވެސް، ބޮޑުވަޒީރަށް ވަނީ އިތުބާރުގެއްލިފަ،" ވެރިކަންކުރާ އެންސީޕީގެ ސެންޓްރަލް ކޮމިޓީގެ މެމްބަރެއް ކަމުގައިވާ، ބިޝްނޫ ރިޖާލް ވިދާޅުވިއެވެ.

"ޕާޓީ ތެރޭގައި މަޝްވަރާ ކޮށްގެން ހައްލު ހޯދުމުގެ ބަދަލުގައި އޭނާ ނިންމެވީ ޕާލިމަންޓް އުވާލައިގެން ކުރިޔަށް ދާން."

ޗާއިނާއާއި އިންޑިއާއި ދެމެދުގައި އޮތް މިގައުމުގެ ސިޔާސީ މަސްރަހަށްވެސް، މިދެގައުމުގައި ހިގާ ސިޔާސީ ކަންކަމުގެ އަސަރު އަބަދުވެސް އޮންނަނީ ވަރަށް ބޮޑަށް ކޮށްފައެވެ.

ފަހަކަށް އައިސް، އިންޑިއާއި ވަނީ، ނޭޕާލުގައި އިތުރުވަމުންދާ ޗައިނާގެ ނުފޫޒުތަކާ ދެކޮޅަށް ނޭޕާލަށް ޕްރެޝަރުތައް ކުރިމަތި ކުރުވަން ފަށާފައެވެ. އިންޑިއާއިން އަބަދުވެސް ދެކެމުން އަންނަނީ ނޭޕާލަކީ އެގައުމަށް ވަފާތެރި ގައުމުއްގެ ގޮތުހައި ދެމި އޮންނާނެ ކަމަށެވެ.

ބޮޑުވަޒީރު އޯލީއަށް ތާއީދުކުރާ، ރާޖަން ބައްޓަރީ ވިދާޅުވެފައިވަނީ، އާ އިންތިޚާބަކަށް ދާން ނިންމަވާފައިވަނީ، ޕާޓީގެ ތެރޭގައި ކުރިމަތިވަމުންދާ ގޮންޖުންތަކުގެ ސަބަބުންނެވެ. އަދި ޕާޓީންވެސް ބޮޑުވަޒީރު އިސްތިއުފާދިނުމަށް އެދިފައިވާ ކަމަށްވެސް އޭނާ ވިދާޅުވިއެވެ.

ވެރިކަންކުރާ ޕާޓީންނާއި އަދި އެހެނިންހެ ސިޔާސީ ފަރާތްތަކާތަކުންވެސް ބުނާ ގޮތުގައި، ކޯވިޑް19ގެ ސަބަބުން އިގްތިސާދީ ހާލަތު އިންތިހާއައް ދަށްވެގެން ގޮސްފައި މި ދަޑިވަޅުގައި، އާ އިންތިޚާބަކަށް ދިއުމުގެ ބަދަލުގައި، ވެރިކަން ކުރާ ޕާޓީން މިމައްސަލައަށް ސިޔާސީ ހައްލެއް ހޯދާ ދިންނަމަ ރަގަޅުވީހެވެ.

2015 ވަނަ އަހަރު، ނޭޕާލްގެ ޗާޓަރަށް ގެނެސްފައިވާ ބަދަލުތަކާ އެއްގޮތަށް، އިތުރު ހައްލު ހޯދުމަށް މަސައް ކުރުމަކާ ނުލާ، އެގައުމުގެ ބޮޑުވަޒީރަށް ގާނޫން ހަދާ މަޖިލިސް އުވައެއް ނުލެވެއެވެ.

"މައްސަލައެއް ކުރިމަތިވާއިރު، ގާނޫނު ހަދާ މަޖިލިސް އުވާލުމަކީ އެގައުމުގެ ގާނޫނު އަސާސީއާއި ޚިލާފް ކަމެއް" ގާނޫނު އަސާސީއާ ބެހޭތަޖުރިބާކާރެއް ކަމުގައިވާ ބިއްޕިން އަދިކަރީ ވިދާޅުވިއެވެ.

ނޭޕާލުގައި މިހާތަނަށް، 253،772 ވަނީ ކޯވިޑް19 އަށް ޕޮޒިޓިވްވެ، 1،788 މީހުންވަނީ ކޯވިޑް ބަލިގައި ދުނިޔެ ދޫކޮށްފައެވެ.