ށ. ފުނަދޫ ކައުންސިލްގެ އަންހެން މެމްބަރުގެ ގޮނޑީގެ ބައި އިލެކްޝަން ބާއްވާން އިލެކްޝަންސް ކޮމިޝަނުން ތާވަލުކޮށްފައި އޮތީ އަންނަ މަހުގެ 8 ވަނދުވަހުއެވެ. އަދި އިންތިހާބަށް ކުރިަތިލުމަށް މމިމަހުގެ 9 ވަނަދުވަހާއި ހަމައަށް ފުރުސަތު އޮތީ ހުޅުވާލާފައެވެ.
އީސީން ބުނީ ށ. ފުނަދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބާއްވާ ބައި-އިލެކްޝަނަށް ކެންޑިޑޭޓުންގެ ގޮތުގައި ކުރިމަތިލުމަށް ދީފައިވާ މުއްދަތު ހަމަވިއިރު ށ. ފުނަދޫ ކައުންސިލްގެ އަންހެން މެންބަރުކަމަށް ކުރިމަތިލާފައިވަނީ އިންތިޚާބު ކުރަންޖެހޭ އަދަދަށްކަމަށެވެ. އެހެންކަމުން އެ ގޮނޑިއަށް ކުރިމަތިލީ ޕީއެންސީގެ ކެންޑިޑޭޓް އާމިނަތު ޔުމްނާ އިންތިހާބުވެއްޖެކަން ޢާންމުކޮށް އަންގައި އިޢުލާންކުރާކަމަށެވެ.
މިމަހު 4 ވަނަ ދުވަހު ބޭއްވި ބައި އިލެކްޝަނުގައިވެސް ގިނަ ގޮނޑިތައް ކާމިޔާބުކުރީ ވެރިކަން ކުރާ މައި ޕާޓީ ޕީއެންސީ އެވެ. އެދުވަހު ބޭއްވި 6 ބައި- އިލެކްޝަނުން 4 ގޮނޑި ޕީއެންސީން ނެގިއެވެ.
މިިދިޔަ ރިޔާސީ އިންތިހާބަށްފަހު ކާމިޔާބީއަށް ފަހު އޭގެ ފަހުން އައި ކޮންމެ އިންތިހާބެއްގައި ވެސް ޕީއެންސީން އަންނަނީ ބޮޑެތި ކާމިޔާބީތައް ހޯދަމުންނެވެ. އެންމެ ފަހުން ބޭއްވި މަޖލިސް އިންތިހާބުގައިވެސް އެޕާޓީން ވަނީ 66 ގޮނޑި ހޯދާފައި މަޖިލީހުގެ ސުޕާ މެޖޯރިޓީ ނަގާފައެވެ.
