އުޒްބަކިސްތާނަށް ދިޔަ ދިވެހި ދަރިވަރެއްގެ އަތުން ޑްރޯން އެއް ފެނިގެން އެ ގައުމުގައި ހިފެހެއްޓުމާ ގުޅިގެން އެކަން ފޮރިން މިނިސްޓްރީން ބަލަން ފަށައިފިއެވެ.
އުސްބަކިސްތާނުގައި ހިފަހައްޓާފައިވަނީ އެގައުމަށް ސްޓްޑީ ޓުއަރއެއްގައި ފާއިތުވިމަހުގެ 23 ވަނަ ދުވަހު ދިޔަ ދަރިވަރެކެވެ. ކްލިކް ކޮލެޖުގެ ފަރާތުން ސްޓަޑީ ޓުއާއެއްގައި މި ދަރިވަރު އެގައުމުގައި ހިފެހެއްޓީ އޭނާ ޓުއަތ ނިންމާލުމަށްފަހު ރާއްޖެއަށް އައުމަށް ތައްޔާރުވަމުން ދަނިކޮށެވެ.
އެގައުމުގައި ހިފަހައްޓާފައިވާ ދަރިވަރާ ހަވާލާދީ ބައެއް މީޑިއާތަކުން ބުނެފައިވަނީ އޭނާ އެގައުމަށް ޑްރޯން އެތެރެކުރިއިރު އެއްވެސް މައްސަލައެއް ދިމާވެފައެއް ނުވެއެވެ. އަދި ޑްރޯން ގެންގުޅުމަކީ މަނާކަމެއްކަމެއްވެސް އޭނާއަށް އެނގިފައެއް ނުވެއެވެ.
މީޑިއާތަކުން ރިޕޯޓު ކޮށްފައިވާ ގޮތުގައި ޑްރޯންއަކީ އެގައުމުގައި މަނާކޮށްފައިވާ އެއްޗެއްކަން އޭނާއަށް އެނގުނީ ސައިޓް ސީންތަކަށް ގޮސްއުޅެނިކޮށް ދަރިވަރުންގެ ޓުއަރގައިޑް އެއީ މަނާއެއްޗެއްކަމަށް ބުނުމުންނެވެ. ދަރިވަރާ ހަވާލާދީ މީޑިއާތަކުން ރިޕޯޓު ކޮށްފައިވާ ގޮތުގައި، ޑްރޯން ބޭނުންކޮށްގެން އެގައުމުގެ އެއްވެސް މަންޒަރެއް އޭނާ ނަގާފައެއްވެސް ނުވެއެވެ.
ބައެއް މީޑިއާތަކަށް ފޮރިން މިނިސްޓްރީން މައުލޫމާތު ދީފައިވާ ގޮތުގައި، އުޒްބަކިސްތާނުގައި ހައްޔަރު ކޮށްފައިވާ ދަރިވަރުގެ މައުލޫމާތު އެމިނިސްޓްރީއަށް ވަނޫ ލިބިފައެވެ. އަދި އުޒްބަކިސްތާން މިޝަންއާއި ގުޅިގެން އެމައްސަލަ ބަލަމުންދާ ކަމުގައިވެސް މިނިސްޓްރީން ބުނެފައި ވެއެވެ.
ދަރިވަރު އެގައުމުގައި ހިފަހައްޓާފައިވާތާ މިހާރު 10 ދުވަސްވަނީ ވެފައެވެ. ދަރިވަރު އުޒްބަކިސްތާނުގައި ހިފެހެއްޓުމާއެކު ކުލިކް ކޮލެޖްގެ ލެކްޗަރަރއެއްވެސް އެގައުމުގައި ވަނީ މަޑޫކޮށްފައެވެ.
ސަލާމަތީ ކަންބޮޑުވުންތަކާހެދި، އުޒްބަކިސްތާނަކީ 2015 ވަނަ އަހަރުން ފެށިގެން ޑްރޯން ބޭނުންކުރުން މަނާ ކޮށްފައިވާ ގައުމެކެވެ.
