މަޝްހޫރު ފްރެންޗައިޒް ފިލްމް "ހައުސްފުލް" ގެ 5 ވަނަ ފިލްމް "ހައުސްފުލް 5″ ގެ ކާސްޓުގައި އަބިޝޭކް ބަޗަން ހިމެނިއްޖެއެވެ.
މިދިއަ އަހަރު އިއުލާން ކުރި މި ފިލްމް އަކީ އަންނަ އަހަރުގެ ނޮވެމްބަރުގެ ތެރެގައި ގެނެސްދޭ ގޮތަށް މި އަހަރުގެ ޖޫންގައި އިއުލާންކުރި، އަކްޝޭ ކުމާރު ލީޑުން ފެނިގެންދާ ފިލްމްއެކެވެ. މި ފިލްމު މިހާރު ތާވަލުކޮށްފައި ވަނީ ޖޫން 6، 2025 ގައި ރިލީޒް ކުރާ ގޮތަށެވެ.
"ހައުސްފުލް 5″ އާ އަބީޝެކް ގުޅިފައިވާކަން ހާމަކޮށްފައިވަނީ މި ފިލްމުގައި ފެނިގެންދާ އެކްޓަރު ރިތޭޝް ދޭޝްމުކް އިންސްޓަގްރާމްގައި ކުރި ޕޯސްޓެއްގަ އެވެ. "ހައުސްފުލް 3″ ގެ ފޮޓޯއާއެކު ކުރި ޕޯސްޓްގައި ރިތޭޝް ބުނެފައިވަނީ އެމީހުން އެބުރި އައީ ކަމަށެވެ.
View this post on Instagram
ޕްރޮޑިއުސަރު ސާޖިދު ނަދިއަދުވާލާގެ ފިލްމު ކުންފުނި، ނަދިއަދުވާލާ ގްރޭންޑްސަންގެ "ހައުސްސްފުލް 5″ ގެ ޑައިރެކްޝަނާ މި ފަހަރު ހަވާލުވެފައި ވަނީ ތަރުން މަންސުކާނީ އެވެ.
"ހައުސްފުލް" ގެ ކޮންމެ ފިލްމެއްގައި އަކްޝޭ ކުމާރާއި ރިތޭޝް ދޭޝްމުކް ހިމެނުނު ނަމަވެސް، ކޮންމެ ފަހަރަކު ވެސް ފިލްމުގެ ލީޑް ކާސްޓަށް ބޮޑު ބަދަލެއް އާދެ އެވެ. ހަތަރު ވަނަ ބައިން ފެނިގެން ދިޔަ ތަރިންގެ ތެރޭގައި ބޮބީ ޑިއޯލް އާއި ކްރިތީ ސެނަން އާއި ކްރިތީ ކަރްބަންދާގެ އިތުރުން ޕޫޖާ ހެގްޅޭ އެވެ.
"ހައުސްފުލް" ފްރެންޗައިސްގެ ފުރަތަމަ ފިލްމު ނެރުނީ 2010 ގަ އެވެ. މި ފިލްމަށް ބޮކްސް އޮފީހުގައި ރަނގަޅު ކާމިޔާބީއެއް ލިބިފައިވެ އެވެ.
