އެމްޑީޕީގެ ޗެއަރޕާސަންކަމުގެ މަގާމުން އިސްތިއުފާ ދިނުމުގެ އެއްވެސް ވިސްނުމެއް ނެތްކަމުގައި އެމްޑީޕީގެ ޗެއަރޕާސަން ފައްޔާޒު އިސްމާއިލް ވިދާޅުވެއްޖެއެވެ.

ފައްޔާޒު މިހެން ވިދާޅުވީ، މިރޭ ބޭއްވުނު އެމްޑީޕީގެ ގައުމީ މަޖިލިސް ބައްދަލުވުމަށްފަހު ބޭއްވި ނޫސްވެރިންގެ ބައްދަލުވުމުގައި ނޫސްވެރިޔަކު ކުރި ސުވާލަށް ޖަވާބު ދެއްވަމުންނެވެ.

ފާއިތުވި މަޖިލިސް އިންތިޚާބަށްފަހު ފައްޔާޒު އެމްޑީޕީގެ ޗެއަރޕާސަންކަމުގެ މަގާމުން އިސްތިއުފާ ދިނުމަށް ބައެއް ފަރާތްތަކުން ދަނީ ގޮވާލަމުންނެވެ. އޭގެ ތެރޭގައި އެމްޑީޕީގެ ބައެއް ފަރާތްތައް ހިމެނޭއިރު އޭގެ ތެރޭގައި އެމްޑީޕީން ވަކިވެގެންދިޔަ ޑިމޮކްރެޓްސްއަށް ނިސްބަތްވާ ބައެއް ފަރާތްތައްވެސް ހިމެނެއެވެ.

މިރޭގެ ނޫސްވެރިންގެ ބައްދަލުވުމުގައި ފައްޔާޒު ވިދާޅުވީ އޭނާގެ އިސްތިއުފާއަށް ގޮވަމުންދާ ގިނަ މީހުންނަކީ އެމްޑީޕީއާއި އިދިކޮޅު ފަރާތްތަކަށް ކަމަށާއި، އެމްޑީޕީގެ ބައެއް މެމްބަރުންގެ ކަންބޮޑުވުންތައްވެސް ހުރިކަމަށް ގަބޫލުކުރާ ކަމުގައެވެ.

މިވަގުތު އިސްތިއުފާ ދިނުމުގެ އެއްވެސް ވިސްނުމެއް ނެތް އިނގޭތޯ.

ފައްޔާޒު ވިދާޅުވިއެވެ.