ބޮލީވުޑްގެ މަޝްހޫރު އެކްޓަރު ސަލްމާން ހާން މީގެ ދުވަސްކޮޅެއް ކުރިން އިއުލާން ކުރި ފިލްމް "ސިކަންދަރު" ގެ ބަތަލާ އަކީ ކިއާރާ އަދުވާނީ ނޫން ކަމަށް ރިޕޯޓްތަށް ބުނެފިއެވެ.
މީގެ ދެދުވަހެއް ކުރިން މީޑިއާއިން ބުނެފައިވަނީ އެ ފިލްމްގެ ބަތަލާ އަކީ ކިއާރާ ކަމަށެވެ. ނަމަވެސް އެންމެ ފަހުގެ ރިޕޯޓްތަށް ބުނާގޮތުގައި އެ ފިލްމްގެ ލީޑުން ކިއާރާ ފެނިގެންނުދާނެއެވެ. ނަމަވެސް ކިއާރާގެ ބަދަލުގައި ފެނިގެން ދާނީ ކޮން ބަތަލާއެއްކަމެއް ބުނެފައިއެއް ނުވެއެވެ.
ކިއާރާ އެ ފިލްމް އިން ފެނިގެން ނުދާ ސަބަބެއް ކަމަށް ބުނެފައިވަނީ ވަގުތުގެ ދަތިކަން ކަމަށެވެ. ކިއާރާ މި ވަގުތު މަސައްކަތް ކުރަމުން ދަނީ ވަރަށް ބިޒީ ޝެޑިއުލަކަށް ކަމަށް ވެއެވެ. އަދި އޭނާ ގެ އަތުގައި ބޮޑެތި ޕްރޮޖެކްޓް ތަކެއް ވެސް އެބަ ހުއްޓެވެ. އަދި އޭނާ މިހާރު ހިމެނިފައިވަނީ ބޮލީވުޑްްގެ އެންމެ ޑިމާންޑް ބޮޑު ޒުވާން ތަރިންގެ ތެރޭގައިއެވެ.
View this post on Instagram
ސަލްމާން އާއި އެކުގައި ކިއާރާ މި ފިލްމް އިން ފެނިގެން ގޮސްފިނަމަ މި ފިލްމް ވެގެން ދާނީ އެދެތަރިން އެކުގައި ފެނިގެންދާ އަލަތު ފިލްމް އަށެވެ. ނަމަވެސް މީގެ ކުރިން ކިއާރާ ވަނީ "ބީން ހިއުމަން" ބްރޭންޑްގެ ކްލޯތިން ކަލެކްޝަން އިޝްތިހާރުކޮށް ދިނުމުގައި 32 އަހަރުގެ ބަތަލާ ކުރިން ސަލްމާނާ އެކީ ހިއްސާވެފައިވާކަމެވެ.
ސަލްމާންގެ "ސިކަންދަރު" އަކީ ސާޖިދު ނަދިއަދުވާލާ ޕްރޮޑިއުސްކޮށް، އޭއާރް މުރްގަދޯސް ޑައިރެކްޓްކުރާ ފިލްމެކެވެ. މި ފިލްމު ސިނަމާތަކަށް ގެންނާނީ އަންނަ އަހަރުގެ ފިތުރު އީދުގަ އެވެ.
