އައްޑޫ ސިޓީއަށް މިހާރު ކުރަމުންދާ ވިއްސާރާގައި އެސިޓީގައި ފެންބޮޑުވެ ބައެއްގޭގެއަށް ފެންބޮޑުވުމުގެ އަސަރު ކުރަމުންދާ ކަމުގައި ނޭޝަނަލް ޑިސާސްޓަރ މެނޭޖަމަންޓް އޮތޯރިޓީން ބުނެފިއެވެ.
އެއޮތޯރިޓީޫން ބުނެފައިވަނީ އެގޮތުން 4 ގެއެއްގައި ދިރިއުޅެން ދަތިވާވަރަށް ފެންބޮޑުވެ، އެގޭގައި ދިރިއުޅޭ އައިލާތައް ވަގުތީ ހިޔާތަކައް ބަދަލުކޮށްފައިވާ ކަމުގައެވެ.
އަދި މި ހާދިސާތަކުގައި ސ. ފޭދޫ ގެ 40 އަށްވުރެ ގިނަ ގޭގެއަށް އަސަރުކޮށްގެސް އަވަށު އޮފީހާއި ސިފައިން ހަރަކާތްތެރިވެފައިވާކަމަށްވެސް އެ އޮތޯރިޓީން ބުނެފައި ވެއެވެ. އެގޮތުން ޖުމްލަ 5 ގެއަކުން މީހުން ހުސްކުރަންޖެހިފައިވާކަމަށްވެސް ބުނެފައި ވެއެވެ.
ވަގުތީ ބޯހިޔާވަހިކަމަށް ބަދަލު ކުރެވުނީ 2 ގެއެއްގެ މީހުން ކަމަށާއި އެހެން ގެތަކުން ބަދަލުވީ އާއިލީ ގެތަކަށްކަމަށް އޮތޯރިޓީން ބުނެފައި ވެއެވެ.
ބޯކޮށް ވާރޭވެހި އައްޑޫ ސިޓީ ފޭދޫ މަގުތަކުގައި ފެން ބޮޑުވެގެން ފެން ހިންދުމުގެ މަސައްކަތް ސަދަން އޭރިއާ ކޮމާންޑް، ސ. ހިތަދޫ ފަޔާ ސްޓޭޝަނުން ރޭ ވަނީ ކޮށްފަ އެވެ.
މޫސުމާބެހޭ ގައުމީ އިދާރާ — މޯލްޑިވްސް މީޓިއޮރޮލޮޖިކަލް ސާވިސް އިން ހާމަކުރި ގޮތުގައި އިއްޔެ ހެނދުނު 8:00 އިން މިއަދު ހެނދުނު 8:00 އަށް އެންމެ ގިނައިން ވާރޭ ވެހިފައިވަނީ އައްޑޫސިޓީ ގަމަށެވެ.
