ބޮލީވުޑްގެ މަޝްހޫރު އެކްޓަރު ސަލްމާން ހާން ގެ ކުރިއަށް އޮތް ފިލްމް "ސިކަންދަރު" ގެ ޝޫޓިން އަންނަ މަހު ފަށާނެ ކަމަށް ރިޕޯޓްތައް ބުނެފި އެވެ.
ޑައިރެކްޓަރު އޭއާރް މުރްގަދޯސްއާ އެކީ ސަލްމާން ޚާން މަސައްކަތް ކުރަން ހަމަޖެހިފައިވާ މި ފިލްމް ބެލުންތެރިނަން އަންނަ އަހަރު ފިތުރު އީދުގައި ގެނެސްދޭނެކަން މިހާރު ވަނީ އިއުލާން ކޮށްފައިއެވެ.
View this post on Instagram
ސާޖިދު ނަދިއަދުވާލާ ޕްރޮޑިއުސްކުރާ މި ފިލްމުގެ ޓައިޓްލް ޕޯސްޓަރެއް ވެސް ވަނީ ދައްކާލައިފަ އެވެ. ސަލްމާން އާއި ސާޖިދު އަކީ ވަރަށް ގާތް ދެ ރަހުމަތެރިންނެވެ. އެދެމީހުން އެކުގައި ކާމިޔާބު ފިލްމް ތަކެއް ވެސް ވަނީ ގެނެސްދީފައިއެވެ.
ކާމިޔާބު ފިލްމް ތަކެއް ކުޅެފައިވާ ސަލްމާން ގެ އެންމެ ފަހުގެ ފިލްމް އަކީ ބޮކްސް އޮފީހުގައި ބޮޑު ކާމިޔާބެއް ހޯދި ފިލްމް އަދި ސަލްމާންގެ ފްރެންޗައިޒް ފިލްމް "ޓައިގާ" ސީރީޒް ގެ 3 ވަނަ ފިލްމް "ޓައިގާ3″އެވެ.
