މަސްލަހަތު ނަގާލި ދެމީހަކު ގދ. ފިޔޯރީއިން ހައްޔަރު ކޮށްފިއެވެ.
ފުލުހުން ބުނެފައިވަނީ އެ ދެމީހުން ހައްޔަރު ކޮށްފައިވަނީ ވޯޓުލާ މަރުކަޒުގެ މަސްލަހަތު ނަގާލައި ވޯޓުލުމަށް ހުރަސްއެޅި މައްސަލާއިގަ ކަމުގައެވެ.
މަސްލަހަތު ނަގާލައިގެން ދެމީހަކު ހައްޔަރު ކޮށްފައިވާއިރު ވޯޓް ކަރުދާސް ދެއްކި މައްސަލައަކާ ގުޅިގެން މާލެއިންވެސް ވަނީ މީހަކު ހައްޔަރި ކޮށްފައެވެ.
ފުލުހުން ބުނެފައިވަނީ، 'އޮޕަރޭޝަން ބްލޫ ޓައިޑް’ގެ ނަމުގައި ވޯޓުލާ ސަރަހައްދުތަކުގެ ސަލާމަތާއި ރައްކާތެރިކަން ކަށަވަރު ކުރުމަށް ފުލުހުން ހިންގަމުންދާ އޮޕަރޭޝަންގައި ފުލުހުންގެ ބެލުމުގެދަށަށް ގެންދިޔަ މީހުންގެ އަދަދު ވަނީ ތިނަކަށް އަރާފައެވެ.
މަސްލަހަތު ނަގާލައިގެން ތިން މީހަކު ފުލުހުންގެ ބެލުމުގެ ދަށަށް ގެންދިޔަ ނަމަވެސް، މިއަދު ވޯޓުލުމުގެ ކަންކަން ޖުމްލަގޮތެއްގައި ކުރިއަށްދަނީ އަމާންކޮށްކަން ފާހަގަ ކޮށްލެވެއެވެ.
