ބޮލީވުޑް އެކްޓަރު އަޖޭ ދޭވްގަނާ އެކީ ޑައިރެކްޓަރު ރޯހިތު ޝެޓީ ގެނެސްދޭ "ސިންގަމް" ފްރެންޗައިޒްގެ 3 ވަނަ ބައި، "ސިންގަމް އެގެއިން" ގައި ހިމެނޭ ބޮޑު ލަވައެއް ބަތަލާ ދީޕިކާ ޕަދްކޯންއާ ނުލައި ޝޫޓްކުރަން ނިންމައިފި އެވެ.
މީޑިއާތަކުން ބުނީ އެ ލަވައިގެ ޝޫޓިންގެ ތައްޔާރީތައް ކުރިއަށްދާ އިރު، ދީޕިކާ ލަވައިގައި ނުހިމެނޭ ސަބަބަކީ އޭނަ މިހާރު ބަލިވެއިނުމާ ގުޅިގެންނެވެ. ނަމަވެސް "ސިންގަމް" އެގެއިން "ސިމްބާ" ގެ ރޯލުން ފެންނާނެ ދީޕިކާގެ ފިރިމީހާ ރަންވީރު ސިންގް ލަވައިގައި ހިމެނޭނެ އެވެ.
ފިލްމީ ޚަބަރުތައް ގެނެސްދޭ މީޑިއާތަކުން ބުނީ ވަރަށް ފޯރިގަދަ ނެށުންތަކެއް ފެނިގެންދާނެ ލަވައިވެ ޝޫޓިން މިއަދު ފަށާނެ ކަމަށާ ލަވައިގެ ކޮރިއޮގްރާފާރަކީ ގަނޭޝް އަޗާރިއާ ކަމަށެވެ. މުޅި ލަވަ ޝޫޓްކުރައި ނިންމާނީ ހަތަރު ދުވަހުގެ ތެރޭގަ އެވެ.
މި އަހަރުގެ އޮގަސްޓްގައި ގެނެސްދޭން ހަމަޖެހިފައިވާ "ސިންގަމް އެގެއިން" ގައި ދީޕިކާ ފެންނާނީ ފުލުހެއްގެ ރޯލުންނެވެ. މީގެ ދެދުވަހެއް ކުރިން ފިލްމްގެ ސެޓުގައި ދީޕިކާ ހަރަކާތްތެރި ވަނިކޮން ނަގައިފައިވާ ފޮޓޯ ތަކެއް ވެސް ވަނީ ވައިރަލް ވެފައިއެވެ.
ބޮޑު ކާސްޓެއް ހިމެނޭ މި ފިލްމް އަކީ ރޯހިތު ޝެޓީ ޑައިރެކްޓް ކުރާ ފިލްމްއެކެވެ. "ސިންގަމް" ސިލްސިލާގެ ފިލްމް ތަކަކީ ބެލުންތެރިންގެ ބޮޑު ތަރުހީބެއް ލިބެމުންދާ ފިލްމް ތަކެކެވެ.
View this post on Instagram
މި ފިލްމް ގެ ކާސްޓުން އަޖޭ ދޭވްގަން އާއި އަކްޝޭ ކުމާރު، ޓައިގާ ޝްރޮފް، ރަންވީރު ސިންގް އާއި ދީޕިކާ ގެ އިތުރުން ކަރީނާ ކަޕޫރު ވެސް ފެނިގެން ދާނެއެވެ. އަދި މީހެ އިތުރުން ޓައިގާ ގެ ބައްޕަ ޖެކީ ޝްރޮފް ވެސް ފެނިގެންދާނެއެވެ. އަދި ފިލްމްގެ ވިލަން ގެ ރޯލުން ޒުވާން އެކްޓަރު އަރުޖުން ކަޕޫރު ވެސް ފެނިގެންދާނެއެވެ.
"ސިންގަމް" ގެ ތިން ވަނަ "ސިންގަމް އެގެއިން" ސިނަމާތަކަށް އަންނާނީ އޮގަސްޓް 15 ގަ އެވެ.
