ބަނޑުބޮޑު ކަން އިއުލާން ކުރުމަށް ފަހު ފުރަތަމަ ފަހަރަށް ފިލްމްގެ ޝޫޓިން އަކުން ދީޕިކާ ފެނިގެން ގޮސްފިއެވެ. އޭނާ ފެނިގެން ގޮސްފައިވަނީ މިހާރު ޝޫޓިން ކުރިއަށް ދާ އަޖޭ ދޭވްގަން ގެ އެކްޝަން ފިލްމް "ސިންގަމް އަގެއިން" ގެ ސެޓުންނެވެ.
އެ ސެޓުގައި އޭނާ ހުއްޓައި ނަގައިފައިވާ ފޮޓޯ ތަކެއް ވަނީ ވައިރަލް ވެފައިއެވެ. ގިނަ ބަޔަކު އޭނާ އަށް ތައުރީފު ކުރަމުން ބުނެފައިވަނީ ކޮންމެވެސް ވަރަށް މިހާރު ބަނޑުން އެނގޭ ކަމަށާއި ބަނޑުބޮޑުވި ފަހުން ދީޕިކާ އިތުރަށް ރީތި ކަމަށެވެ.
ބޮޑު ކާސްޓެއް ހިމެނޭ މި ފިލްމް އަކީ ރޯހިތު ޝެޓީ ޑައިރެކްޓް ކުރާ ފިލްމްއެކެވެ. "ސިންގަމް" ސިލްސިލާގެ ފިލްމް ތަކަކީ ބެލުންތެރިންގެ ބޮޑު ތަރުހީބެއް ލިބެމުންދާ ފިލްމް ތަކެކެވެ.
މި ފިލްމް ގެ ކާސްޓުން އަޖޭ ދޭވްގަން އާއި އަކްޝޭ ކުމާރު، ޓައިގާ ޝްރޮފް، ރަންވީރު ސިންގް އާއި ދީޕިކާ ގެ އިތުރުން ކަރީނާ ކަޕޫރު ވެސް ފެނިގެން ދާނެއެވެ. އަދި މީހެ އިތުރުން ޓައިގާ ގެ ބައްޕަ ޖެކީ ޝްރޮފް ވެސް ފެނިގެންދާނެއެވެ. އަދި ފިލްމްގެ ވިލަން ގެ ރޯލުން ޒުވާން އެކްޓަރު އަރުޖުން ކަޕޫރު ވެސް ފެނިގެންދާނެއެވެ.
View this post on Instagram
"ސިންގަމް" ސީރީޒް ފިލްްމް ތަކަކީ އަޖޭ އާއި އެކުގައި އެކްޝަން ޑައިރެކްޓަރެއްގައި ގޮތުގައި ފާހަގަ ކުރެވޭ ޑައިރެކްޓަރު ރޯހިތު ޝެޓީ ކުރިއަށް ގެންދާ ފިލްމް އެކެވެ. މި ފިލްމް ރިލީޒް ކުރުމަށް ތާވަލް ކޮށްފައި އޮތީ ނޮވެމްބަރުގައި ފާހަގަކުރާ ދިވާލީގެ ތެރެއަށެވެ.
މީގެ ފުރަތަމަ ބައި "ސިންގަމް" ރިލީޒްކުރީ 2011 ގަ އެވެ. އޭގެ ބަތަލަކީ ކާޖަލް އަގަރްވާލެވެ. އަދި ކަރީނާ ކަޕޫރް ބަތަލާގެ ރޯލު ކުޅުނު "ސިންގަމް ރިޓާންސް" ގެނެސްދިނީ 2014 ގަ އެވެ. އެ ދެ ފިލްމު ވެސް ވަރަށް ކާމިޔާބެވެ.
