ލ. މާވަށުގެ ބިން ހިއްކުމުގެ މަޝްރޫއުގެ އަމަލީ މަސައްކަތް ފެށުމަށް ތައްޔާރުވެއްޖެއެވެ.
އެމްޓީސީސީން މިއަދު ބުނީ މާވަށުގެ ބިން ހިއްކުމުގެ އަމަލީ މަސައްކަތް ފެށުމަށްޓަކައި އޭޕްރީލް 16 ގައި ސައިޓް މޮބިލައިޒްކޮށްފައިވާ ކަމަށެވެ.
ލ. މާވަށް ބިން ހިއްކުމުގެ މަޝްރޫޢުގެ ޢަމަލީ މަސައްކަތް ފެށުމަށްޓަކައި، 16 އޭޕްރިލް 2024 ވަނަ ދުވަހު ޕްރޮޖެކްޓް ސައިޓް ވަނީ މޮބިލައިޒް ކުރެވިފަ.
މި މަޝްރޫޢުގެ ދަށުން، 508,816 ކިއުބިކް މީޓަރުގެ ބިން ހިއްކުމާއި، ސޭން ސާޗް ސަރްވޭ ހެދުން ހިމެނެއެވެ. މި މަޝްރޫޢަކީ 61.46 މިލިއަން… pic.twitter.com/nmZ9urRI0x
— MTCC Plc (@MTCCPlc) April 16, 2024
އެމްޓީސީސީން ބުނީ މި މަޝްރޫއުގެ ދަށުން، 508,816 ކިއުބިކް މީޓަރުގެ ބިން ހިއްކުމާއި، ސޭން ސާޗް ސަރްވޭ ހެދުން ހިމެނޭ ކަމަށެވެ.
މި މަޝްރޫއަކީ 61.46 މިލިއަން ރުފިޔާގެ މަޝްރޫއެކެވެ.
ރައީސް ޑރ. މުހައްމަދު މުއިއްޒު، މިދިޔަ ހަފްތާގައި ލ. އަތޮޅަށް ކުރެއްވި ދަތުރުފުޅުގައި މާވަށަށް ވަޑައިގެން ވިދާޅުވީ މާވަށުގައި ކުރިން އޮތީ 15 ހެކްޓަރުގެ ބިން ހިއްކަން ކަމަށެވެ. އެކަމަކު، މި ސަރުކާރުން މާވަށަށް 30 ހެކްޓަރުގެ ބިން އިތުރުކޮށް ދެއްވާނެ ކަމުގައި އެމަނިކުފާނު ވިދާޅުވިއެވެ.
ކޮމެންޓު ފޮނުވާ