އިރާނުން އިސްރާއީލަށް އަމާޒުކޮށް ކުރޫޒް މިސައިލުންނާއި ޑްރޯންއިން އިސްރާއީލަށް ދިން ހަމަލާތަކުގެ ބަދަލު، އެންމެ އެކަށީގެންވާ ގޮތުގައި ހިފާނެކަމުގެ އިންޒާރު އިސްލާއީލުން ދީފިއެވެ.
އިޒްރޭލުން ބުނީ އީރާނުން ފޮނުވާލި 300 އަށް ވުރެ ގިނަ ޑްރޯން އާއި މިސައިލްގެ ބޮޑު ބައެއް ވައިގެ ތެރޭގައި ވަނިކޮށް ހަލާކު ކޮށްލާފައި ވާކަމުގައެވެ. މި ޙަމަލާތަކަކީ އީރާނުން އިޒްރޭލަށް ސީދާ އެޤައުމުގެ އަމިއްލަ ފަސްގަނޑުން ހަމަލާދިން ފުރަތަމަ ފަހަރެވެ.
އިޒްރޭލުން ރައްދު ދޭން ރާވާފައިވަނީ ކިހިނެއް ކަމެއް ނޭނގުނު ނަމަވެސް ހަނގުރާމައިގެ ކެބިނެޓް މިނިސްޓަރު ބެނީ ގަންޓްޒް ވަނީ އީރާނުން ދިން ހަމަލާގެ "އަގެއް ސީދާ ކުރާނެ" ކަމަށް ވިދާޅުވެފަ އެވެ.
އިޒްރޭލުގެ އަސްކަރިއްޔާއިން ބުނީ އިޒްރޭލުގެ ދެކުނުގައި ހުރި ބޭސްއެއް ހިމެނޭ ގޮތަށް އެގައުމުގެ ސަރަހައްދަށް މަދު އަދަދެއްގެ ހަމަލާތަކެއް ރޭ އަމާޒުވެފައިވާ ކަމުގައެވެ.
އިރާނުން އިސްރާއީލަށް އަމާޒުކޮށް އަސްކަރީ ހަމަލާތައް ލޯންޗު ކޮށްފައިމިވަނީ އިސްރާއިމް ސީރިއާގެ ވެރިރަށް ދަމަސްކަސްގައި ހުންނަ އިރާނުގެ އެމްބަސީއަށް އެޕްރިލްމަހުގެ 1 ވަނަ ދުވަހު ހަމަލާދީ އެގައުމުގެ އަސްކަރިއްޔާގެ ކޮމާންޑަރުންތަކެއް ޝަހީދު ކޮށްލުމުގެ ބަދަލު ހިފުމުގެ ގޮތުންނެވެ. އަދި އިސްރާއީލުގެ ހަމަލާތަކުގެ ބަދަލު ހިފާނެކަމަށް އިރާނުން ތަކުރާރުކޮށް ދެމުންދިޔަ އިންޒާރުތަކަށް ފަހުގައިވެސް މެއެވެ.
އެމެރިކާގެ ރައީސް ޖޯ ބައިޑަން ވިދާޅުވީ އިޒްރޭލަށް "އަމާޒުކުރި ޑްރޯންތަކާއި މިސައިލްތަކުގެ ތެރެއިން ގާތްގަނޑަކަށް ހުރިހާ ޑްރޯންތަކެއް ނައްތާލުމަށް އެމެރިކާ އިން އެހީވި" ކަމަށެވެ.
މި ހަމަލާތަކަށްފަހު، ކެތްތެރިވުމަށް ދުނިޔޭގެ ލީޑަރުން ބާރު އަޅުއްވަމުން ގެންދަވާއިރު، އީރާނުން ބުނެފައިވަނީ އިޒްރޭލުން ރައްދު ހަމަލާ ދީފިނަމަ އިހުނަށްވުރެ ވަރުގަދަ ހަމަލާތަކެއް އިސްރާއީލަށް އަމާޒުކޮށް ފޮނުވާލާނެ ކަމުގައެވެ.
