މީގެ ހައެއްކަ އަހަރު ކުރިން ޝޫޓިން ފެށި އިންޑިއާގެ މަޝްހޫރު އެކްޓަރު ކަމަލް ހަސަންގެ ވަދާއީ ފިލްމު ގެ ގޮތުގައި އިއުލާން ކުރި "އިންޑިއަން 2″ މި އަހަރު ޖޫން ގައި ގެނެސްދިނުމަށް ނިންމައި އިއުލާން ކޮށްފިއެވެ.
ޖޫން މަހުގައި ފިލްމް ރިލީޒް ކުރާނެ ކަން އިއުލާން ކުރި ނަމަވެސް ފިލްމް އަޅުވާ ތާރީހް އެއް ނުބުނެއެވެ. ފިލްމް ގެ ޕޯސްޓަރެއް މިހާރު ވަނީ އާންމުކޮށްފައިއެވެ. މި ޕޯސްޓަރުގައި އޭނާ ފެނިގެންދަނީ ވަރަށް ތަފާތު ގޮތަކަށެވެ.
View this post on Instagram
"އިންޑިއަން 2″ އަކީ ކަމަލް ހަސަނާއި ބޮލީވުޑްގެ ދެ ބަތަލާއިން ކަމަށްވާ މަނީޝާ ކޮއިރަލ އާއި އުރްމިލާ މަޓޯންޑްކަރާ އެކު އިންޑިއާގެ ސައުތުގެ ކުޅަދާނަ ޑައިރެކްޓަރު ޝަންކަރު 1996 ގައި ގެނެސްދިން ފިލްމުގެ ދެވަނަ ބައެވެ.
"އިންޑިއަން 2″ އަކީ ވަރަށް ބޮޑަށް ދިގުލައިގެން ގޮސްފައިވާ ފިލްމެކެވެ. ފިލްމުގެ ފުރަތަމަ ބައި ގެނެސްދިންތާ 28 އަހަރު ފަހުން "އިންޑިއަން 2″ ގެނެސްދޭ އިރު، މި ފިލްމުގެ ބަތަލާއިންނަކީ ރަކުލް ޕްރީތު ސިންގް އާއި ކާޖަލް އަގަރްވާލެވެ.
"އިންޑިއަން 2″ އާ އެކު ކަމަލް ހަސަން، 65، އެކްޓިން ކެރިއަރު ނިންމައިލާނެކަން އޭނާ އިއުލާންކުރީ 2018 ގެ ފަހުކޮޅު އެވެ. އަދި އޭނާ ވަނީ އެ އަހަރު ރަސްމީކޮށް ސިޔާސީ ދާއިރާ އަށް ވެސް ނުކުމެފަ އެވެ.
ނަމަވެސް "އިންޑިއަން 3″ ވެސް ހަދަން ނިންމާފައިވާ އިރު، އެ ފިލްމު އަންނަ އަހަރު ގެނެސްދޭނެ ކަމަށް ބެލެވެ އެވެ.
