ޚިޔާލު ތަފާތުވުންތަކާއެކުވެސް، އެކުވެރިކަމާއެކު، އެއް ރޫހެއްގައި އީދު ފާހަގަކުރުމަށް ރައީސް ޑރ. މުހައްމަދު މުއިއްޒު އެދިވަޑައިގެންފިއެވެ.
ސިޓީތަކާއި އިދާރީ ދާއިރާގެ މަރުކަޒީ ރަށްތަކުގައި އީދު އަލި ދިއްލާ، ޖުމްހޫރީ މައިދާނުގެ ފައްވާރާ ނުވަތަ ފެންއަރުވާ ވަޑާން އަލުން ހުޅުއްވައިދެއްވާ ޖުމްހޫރީ މައިދާނުގައި މިރޭ އޮތް ޚާއްސަ ރަސްމިއްޔާތުގައި ރައީސް ވިދާޅުވީ އެންމެނަކީ އިސްލާމް ދީނުގެ މަތީގައި ތިބި ފަޚުރުވެރި ދިވެހިން ކަމަށެވެ. އަދި ދިވެހިންނަކީ އިސްލާމްދީނަށް ނަސްރުދީ އިސްލާމް ދީން ކުރިއެރުވުމަށް ފަޚުރުވެރިވާ ބަޔަކަށް ވާންޖެހޭނެ ކަމަށެވެ.
އަޅުގަނޑު ބޭނުންވަނީ އަޅުގަނޑުމެން އެއް ރޫހެއްގައި އެއްބަޔެއްގެ ގޮތުގައި އީދު ފާހަގަކުރަން. އެކުވެރިކަން އަޅުގަނޑުމެންގެ ތެރެއިން ނެތިގެން ގޮސްގެން ނުވާނެ ކޮންމެ ކަހަލަ ހިޔާލުތަފާތުވުންތަކެއް އަޔަސް، ހުރިހާ ކުޑަކުދިންނަށް ވެސް މައިންބަފައިން ދަސްކޮށްދޭންވީ އެންމެނަކީ އެއްބައިވަން ބަޔެއްކަން.
ރައީސް ވިދާޅުވިއެވެ.
ރައީސް ވަނީ އެންމެން އެކީ ކުރިޔަށް ގޮސް، އިސްލާމީ އުސޫލުތަކާއެއްގޮތަށް އީދު ފާހަގަކުރުމުން އުއްމީދުތައް ހާސިލްވާނެ ކަމުގައެވެ.
މި އީދުގައި އުފާވެރިކަމާއެކު ހަރަކާތްތައް ކުރިއަށް ގެންދިޔުމަށް އަޅުގަނޑު ބާރު އަޅަން، ތިބޭފުޅުން ބޭނުންވާ ގޮތަށް މަގުތަކާއި ގޯޅިތަކުގައި ވެސް ހަރަކާތްތައް ހިންގަން އަޅުގަނޑު އެދެން.
ރައީސް ވިދާޅުވިއެވެ.
