ފުޅާ ދާއިރާއެއްގައި ސަރުކާރާ ދެކޮޅު މައުލޫމާތު އެކްސް (ކުރީގެ ޓުވިޓަރ) މެދުވެރިކޮށް އާންމު ކުރަމުންދިޔަ "ކުރުސީ" އެކައުންޓް ރޭގެ ވަގުތެއްގައި ސަސްޕެންޑް ކޮށްފިއެވެ.
އެއެކައުންޓް ސަސްޕެންޑް ކޮށްފައިވަނީ ކޮން ސަބަބަކާހެދިކަމެއް ސާފު ވެފައެއް ނުވެއެވެ. އެހެންނަމަވެސް، އެކްސްގެ ގައިޑްލައިންތަކާ ޚިލާފަށް މައުލޫމާތު ފަތުރާކަމަށް ރިޕޯޓުކުރާ އެކައުންޓްތައް އެކްސްއިން ސަސްޕެންޑް ކުރެއެވެ. މިގޮތަށް ސަސްޕެންޑްކުރާ ބައެއް އެކައުންޓްތައް އެޕީލް ކޮށްގެން އަލުން އެކްޓިވޭޓް ކުރެވޭއިރު އަނެއްބައި އެކައުންޓް ތަކަކީ ދާއިމީ ގޮތެއްގައި ސަސްޕެންޑް ކުރާ އެކައުންޓްތަކެވެ.
ކުރުސީ އެކައުންޓުން ފަހަކަށް އައިސް ދިޔައީ ގިނަބައެއްގެ ޒާތީ މައުލޫމާތުތައްވެސް އާންމު ކުރަމުންނެވެ. އޭގެ ތެރެއިން ބައެއް މައުލޫމާތު ތަކަކަކީ ސައްޙަ މައުލޫމާތުކަން ފަހުން ކަށަވަރުވެފައިވެސް އެބަހުއްޓެވެ.
ކުރުސީ އެކައުންޓަކީ ކުރީގެ ރައީސް ނަޝީދުއާއި ގުޅުން އޮންނަ އެކައުންޓެއްކަމަށް ކުރިން ހީކުރެވުނުނަމަވެސް އެމަނިކުފާނު ފަހުންވަނީ އެކަން ދޮގު ކުރައްވާފައެވެ.
