ކިތަންމެ މަތީ ލީޑަރަކު ވިދާޅުވި ނަމަވެސް، ހަގީގަތްވާނީ ހަމަ ހަގީގަތަށް ކަަމަށާއި، ކުރިން އަދާކުރި މަގާމަކުން ދޮގު ތެދަށް އަދި، ތެދު ދޮގަކަށް ނެހެދޭނެ ކަމަށް ރައީސް ރައީސް ވިދާޅުވެއްޖެއެވެ.
ރޭ ހިޔާ ސަރަހައްދުގައި އާންމު ރައްޔިތުންނާއި ބައްދަލުކޮށް ވާހަކަ ދައްކަވަމުން ރައީސް މުއިއްޒު ވިދާޅުވީ އެބޭފުޅަކު ކުރިން އަދާ ކުރި މަގާމަކީ ތެދު ދޮގަށްވެސް ހެދޭ އެއްޗެއް ނޫންކަމަށާއި، އަދި އެއީ ދޮގު ތެދަށްވެސް ހެދޭ އެއްޗެއް ނޫންކަމުގައެވެ. އަދި ރައީސް ވިދާޅުވީ ކޮންމެ ބޭފުޅަކު ވިދާޅުވި ނަމަވެސް ދޮގުވާނީ ދޮގަށް ކަމަށާއި، ތެދު ވާނީ ތެދަށް ކަމުގައެވެ.
އެހެންވީމާ އަދި ކިތަންމެ މަތީ ލީޑަރަކު ވިދާޅުވިޔަސް، ހަގީގަތް ވާނީ ހަމަ ހަގީގަތަށް. އެބޭފުޅަކު ކުރިން އަދާކުރު މަގާމަކީ ތެދު ދޮގަށް ވާ އެއްޗެއް ނޫން. ދޮގު ތެދަށްވެސް ހެދޭ އެއްޗެއް ނޫން. ދޮގު ވާނީ ދޮގަށް، ތެދު ވާނީ ތެދަށް. ކޮންމެ ބޭފުޅަކު ވިދާޅުވިޔަސް. ހަގީގަތަކީ ލޯކުރިމަތިން ފެންނަން ހުންނަ އެއްޗެއް. އަޅުގަޑުމެން ވާހަކަ ދައްކާނީ ހަގީގަތުގެ މައްޗަށް. ތެދުބަހުން، އަމާނާތްތެރިކަމާ އެޚްލާސްތެރިކަމާއެކީގަ ނޫނިއްޔާ އަޅުގަޑެއް ވާހަކައެއް ނުދައްކާނަން. ރައްޔިތުންނާ އަޅުގަޑު މުއަމަލާތް ކުރާނީ ތެދުވެރިކަމާއެކީގަ.
ރޭގެ ޖަލްސާގައި ވާހަކަ ދައްކަވަމުން ރައީސް މުއިއްޒު ވިދާޅުވިއެވެ.
ކިތަންމެ މަތީ ލީޑަރަކަށު ވިދާޅުވި ނަމަވެސް، ހަގީގަތްވާނީ ހަމަ ހަގީގަތަށް ކަަމަށް ރައީސް މުއިއްޒު ވިދާޅުވެފައިވާއިރު، ދާދިފަހުން ކުރީގެ ރައީސް ޔާމިންވަނީ ރައީސް މުއިއްޒުއަށް ވަރަށް ބޮޑަށް ފާޑުވިދާޅުވެ ވާހަކަ ދައްކަވާފައެވެ. އަދި ރައީސް ޔާމިން ވިދާޅުވީ ރާއްޖޭގެ ޑޮލަރުގެ ތާށިކަމަށް ކޮންމެވެސް ވަރެއްގެ ހައްލެއް ލިބިގެން ގޮސްފައިވަނީ ބައެއް ބޮޑެތި މަޝްރޫއުތައް ހުއްޓާލާފައި ވުމުން ކަމަށެވެ.
އެހެންނަމަވެސް ރޭގެ ޖަލްސާގައި ރައީސް މުއިއްޒުވަނީ މި ސަރުކާރުން ކުރިޔަށް ގެންދާ ތަރައްގީގެ ގިނަ މަޝްރޫއުތަކާ ގުޅުންހުރި ގިނަ ތަފްސީލުތަކެއް ދެއްވާފައެވެ.
