ވެރިކަމަށްވަޑައިގެންނެވުމަށް ތައްޔާރު ކުރެއްވި މެނިފެސްޓޯގަ ހުރި ވައުދުތައް ފުއްދުމަށް 200 އަށްވުރެ އިސްލާހާއި އާ ބިލުތައް މަޖިލިހުން ފާސްކުރަން ޖެހޭ ކަމުގައި ރައީސް މުއިއްޒު ވިދާޅުވެއްޖެއެވެ.
ރޭ ހިޔާ ސަރަހައްދުގައި ބޭއްވި ޕީއެންސީގެ ކެމްޕޭން ޖަލްސާގައި ވާހަކަ ދައްކަވަމުން ރައީސް މުއިއްޒު ވިދާޅުވީ އެކަންކަމަށް މަޖިލިހުގެ އެހީތެރިކަން ބޭނުންވާ ކަމަށާއި، އެކަންކަން ކޮށްދޭނެ ވިސްނުމުގެ ބަޔަކު ރައްޔިތުން ޚިޔާރު ނުކޮށްފިއްޔާ އެކަންކަން ނުވާނެ ކަމަށާއި، ދިވެހީންގެ ރާއްޖެ ހަގީގަތަށް ހެދޭނީ ގައުމީ ވިސްނުމުގެ ބަޔަކު މަޖިލީހަށް އިންތިޚާބު ވެގެން ކަމުގައެވެ.
މިކަންކަމެއް ނުވާނެ މިކަން ކޮށްދިނުމުގެ ވިސްނުމުގެ ބަޔަކު ރައްޔިތުން ހިޔާރު ނުކޮށްފިއްޔާ. އެހެންވީމަ މަޖިލިސް މުހިންމުވަނީ. މަޖިލިސް ބޭނުންވަނީ ގައުމީ ވިސްނުމުގައި ދިވެހީންގެ ރާއްޖެ ހަގީގަތަކަށް ހެދުމަށްޓަކައި.
ރައީސް މުއިއްޒު ވިދާޅުވިއެވެ.
ރައީސް ވިދާޅުވީ އޭގެ ތެރޭގައި ބިމާ ބެހޭ އާ ބިލަކާއި، ބޯހިޔާވަހިކަމާ ބެހޭ ޚާއްސަ ބިލަކާއި، ރިއަލްއެސްޓޭޓް ބިލު އަދި ބައިބޯވެ ތޮއްޖެހިފައިވާ ސިޓީތަކުގައި ރައްޔިތުންގެ ކަންކަން ބައްޓަން ކުރުމަށް މުހިންމު ބިލުތަކެއް ހިމެނޭ ކަމަށް ރައީސް ވިދާޅުވިއެވެ.
ރައީސް މުއިއްޒު މިގައުމަކީ މިނިވަން ގައުމެއްގެ ގޮތުގައި އޮތް ގައުމެއްކަން ދިވެހި ރައްޔިތުންނަށް އިހުސާސް ކޮށްދޭނެ ކަމަށާއި، ފުރަތަމަ ދުވަހުންފެށިގެން ކުރައްވަމުން ގެންދަވާ މަސައްކަތްތަކަކީ އެއީ ކަމުގައެވެ.
ކޮމެންޓު ފޮނުވާ