ސޯޝަލް މީޑިއާގައި އާންމުވެފައިވާ ވީޑިއޯއަކުން ފެންނަ، ސައިކަލެއްގައި އަޅުވާފައިވާ ހެލްމެޓެއް ވަގަށް ނެގިކަމަށް ތުހުމަތު ކުރެވޭ މީހުން ފުލުހުން ހޯދަން ފަށައިފިއެވެ.
ފުލުހުންގެ ތަރުޖަމާން އަހުމަދު ޝިފާން ކުރެއްވި އެކްސް ޕޯސްޓޭއްގައި ވިދާޅުވީ، ވީޑިއޯގައި ފެންނަ ޢަމަލު ތަޙްގީގުކޮށް، އެކަން ކުރިކަމަށް ތުހުމުތުކުރެވޭ ފަރާތްތައް ދެނެގަތުމުގެ މަސައްކަތް ފުލުހުންދަނީ ކުރަމުންދާ ކަމުގައެވެ.
ސީޝަލް މީޑިއާގައި އާންމުވެފައިވާ ވީޑިއޯއިން ފެންނަ ގޮތުގައި ސައިކަލެއްގައި ދިޔަ ދެމީހަކު، ޕޭވްމަންޓް މަތިންގޮސް، ޕޭވްމަންޓް ކައިރީގައި ބަހައްޓާފައި ހުރި ސަައިކަލެއްގެ ލޯގަނޑުގައި އަޅުފާވައި އޮތް ހެލްމެޓެއް ނަގައިދާތަން ފެނެއެވެ. އަދި އެ ވަގުތަކީ މަގުމަތިން މީހުންވެސް ގިނަ އަދަދަކަށް ހިނގާބިގާވެ އުޅެމުންދިޔަ ވަގުތެކެވެ.
ރޯދަމަހާއި ދިމާކޮށް މާލޭގެ ވައްކަންތައް ވަނީ އިތުރުވެފައެވެ. އޭގެ ތެރޭގައި މިސްކިތްތަކުގައި ވައްކަން ކުރަމުންދާ ނިސްބަތް އިތުރުވެފައިވާކަން ފާހަގަ ކޮށްލެވެއެވެ.
ކޮމެންޓު ފޮނުވާ